web counter
LEXO PA REKLAMA!

SHKARKO APP

App Store
Google Play

E fundit!

x

Kushtet për të qenë pjesë e Strukturës së Posaçme kundër Korrupsionit dhe Krimit të Organizuar

9 Gusht 2017, 18:00, Aktualitet CNA

Tashmë është bërë proverbiale njësia e emërtuar si Struktura e Posaçme kundër Korrupsionit dhe Krimit të Organizuar (SPAK), e cila përveçse është risi në jetën e drejtësisë shqiptare, ka ngjallur edhe shumë shpresë tek shqiptarët të cilët mezipresin të shohin nisjen e funksionimit të saj. Mirëpo po kaq i madh është edhe kurioziteti për të ditur përbërjen e saj, cilësinë e kuadrove që do të militojnë dhe në duart e të cilëve do të jetë kjo njësi.

Sipas ligjit, të drejtën për të kandiduar në SPAK e kanë fillimisht gjyqtarët dhe prokurorët e Krimeve të Rënda. Nga ana tjetër, për të qenë kandidat në SPAK, duhet të plotësohen shumë kushte rigoroze, arsye kjo që ndikoi në faktin se numri i gjyqtarëve dhe prokurorëve që i plotësonin këto kushte ishte shumë i ulët. Gjë që e detyroi Ambasadën e SHBA dhe atë të BE të adresonin thirrje publike gjithë të rinjve të shkolluar në Perëndim për tu pjesëmarrë.

Nga të gjithë kategoritë e personave që kanë përfunduar juridikun, si më të pëlqyer për SPAK-un janë kryesisht personat që kanë studiuar dhe kanë karrierë profesionale jashtë vendit. Kjo pasi të tillët nuk jenë përfshirë në afera dhe nuk janë të lidhur me pushtetarët e politikanët. Por të preferuara janë edhe juristet femra, mundësisht të pa martuara, nga që gjykohet se kanë më shumë pavarësi dhe vendosmëri për të pranuar kushtet e rrepta të qënies pjesë e Strukturës së Posaçme.

Sepse të jesh pjesë e SPAK duhet të pranosh të nënshkruash një marrëveshje që përmban heqjen dorë nga shumë privacione të jetës. Duhet të lejosh kontrollin e thellë të pasurive, të drejtën për të qenë i përgjuar në çdo çast nga strukturat përgjegjëse, por edhe kontrollin periodik të pasurive, përdorimin vetëm të një aparati telefonik që ta dhuron institucioni etj./CityNews





Lajmet e fundit nga