web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria në flakë, "timonieri" në plazh/ Kokëdhima: Kryeministri duhet të lërë show-n

8 Gusht 2017, 19:41, Aktualitet CNA

Kryetari i partisë ?Zgjidhja?, Koço Kokëdhima ka bërë një postim në rrjetet sociale për gjendjen alarmante në pyje për shkak të zjarreve.

Duke e konsideruar qeverinë si tutkune, ai shkruan se ndërhyrja e saj është pothuajse inekzistente dhe kryeminsitri Edi Rama vazhdon pushimet i qetë.

Postimi i plotë:

Shqipëria në flakë, “timonieri” në plazh!

Vetëm dje janë shënuar 14 vatra të reja zjarri. Katër familje në Ulëz të Matit kanë luftuar për të shpëtuar banesat e tyre nga shkrumbimi. Qeveria e tutkunëve është pothuajse inekzistente dhe reagimi i saj mjeran është i frikshëm. Zjarret u janë afruar banesave dhe një fëmijë është raportuar i asfiksuar nga tymi. Banorët kanë kërkuar ndihmë nga shteti, por siç thanë vetë ata, asnjë strukturë nuk u është përgjigjur dhe nuk u ka ardhur në ndihmë. Kryeministri duket i patrazuar dhe vazhdon pushimet sikur nuk po ndodh asgjë. “Timonierit” po i digjet “anija”. I ka mbetur “timoni” në dorë.

ZGJIDHJA kërkon veprimin e strukturave të shtetit. Zjarret nuk mund të shuhen me kova uji nga qytetarët e tmerruar!  Pyjet po shkatërrohen nga flakët në të katër anët e vendit, ndërkohë që po rrezikohen banesat dhe jetët e qytetarëve.

ZGJIDHJA denoncon qeverinë për gjendjen e krijuar. Kryeministri duhet të lërë shoë-n në Facebook dhe të marrë përgjegjësi e të përgjigjet për situatën dramatike.

#ZGJIDHJApërShtetin./CityNews

 





Lajmet e fundit nga