web counter
LEXO PA REKLAMA!

SHKARKO APP

App Store
Google Play

Video dhe detajet e ngjarjes te Komuna e Parisit/ Atentatori hedh pistoletën tek koshi i plehrave

4 Gusht 2017, 14:52, Aktualitet CNA

Mbrëmjen e djeshme një person mbeti i plagosur pas disa të shtënave me armë zjarri  në zonën e Komunës së Parisit në Tiranë.

Policia raportoi se në semaforin e kryqëzimit pranë zonës së komunës së parisit një automjet tip BMW ka qëlluar mbi një tjetër mjet tip Benz. Viktima sipas burimeve zyrtare të policisë ishte shtetasi  Lorenc Hoxha, 24 vjeç. Ngjarja ndodhi rreth orës 22.00 dhe në zonë ka pasur një levizje të madhe mjetesh dhe qytetarësh.

Ndërkohë, CityNews ka arritur të sigurojë një video të plotë të kësaj ngjarjeje ku dyshohet se të paktën 4 persona kanë qëlluar mbi të riun 24-vjeçar.

Filmimi është kryer nga një qytetar, i cili ka qenë duke udhëtuar me makinën e tij pranë vendit të ngjarjes. Mjeti i qytetarit është një model i ri, i cili ka kamera dhe filmon rrugën gjatë lëvizjes. Ai ka mundur të regjistrojë të gjithë ngjarjen.

Në video duken qartë se fillimisht dy makinat ndalojnë në semafor dhe në ato momente zhvillohet gjithçka. Në video duket mjeti tip BMW nga i cili zbresin dy persona dhe më pas dëgjohen të shtënat me armë.

Atentatorët rikthehen në makinën e tyre dhe largohen me shpejtësi, ndërsa qytetari më makinën që ka kamera në bord i ndjek nga pas.

Video tregon në momentet e fundit se mjeti tip BMW godet një qen më pas ai ka ndaluar dhe një prej atentatorëve ka zbritur për të hedhur në koshat e plehrave aty pranë armën e krimit./CityNews

Më poshtë video e plotë:





Lajmet e fundit nga