web counter
LEXO PA REKLAMA!

SHKARKO APP

App Store
Google Play

Ç’po ndodh me listën e 124 kriminelëve/Luan Rama i kërkon llogari kryeministrit

3 Gusht 2017, 11:31, Aktualitet CNA

Pas deklaratës së ministrit të Brendshëm se ekziston një listë me 124 kriminelë të drogës, ka ardhur dhe reagimi zëvendës kryetarit të të LSI Luan Rama.

Nëpërmjet një postimi në rrjetet sociale, Rama shkruan se përveç kësaj deklarate, nuk dihet dihet asgjë më shumë se çfarë po bëhet me këta 124 kriminelë.

Ai shtron disa pyetje, sipas të cilit janë shumë të rëndësishmme të bëhen publike.

Statusi i plotë i Luan Ramës
Çfarë po ndodh me listën e paralajmëruar të 124 kriminelëve të drogës?!?

E paralajmëroi Kryeministri, e pas tij e konfirmoi edhe Ministri i Brendshëm se kanë në dorë një listë me 124 emra kriminelësh që merren me kultivimin dhe trafikimin e drogës!

Po deri tani vetëm kaq! Ose të paktën për publikun asgjë më shumë?

Natyrisht që jo çdo gjë i duhet thënë publikut, pasi specifika e shërbimeve të këtij lloji imponon rregulla strikte të ruajtjes së sekretit profesional.

Por një gjë duhet të na e thotë Kryeministri:

A është, përkatësisht, a janë relatuar çështjet në Prokurori?

Dhe nga ana tjetër, çfarë po bën Prokuroria?

Kaq ditë pas shpalljes publike se ekziston një listë me emra trafikantësh të drogës, madje edhe të lidhur e suportuar prej policisë apo segmenteve të politikës, a ka ndërmarrë ajo ndonjë veprim procedurial qoftë edhe kryesisht??

Sepse mund të ndodhë që zjarret që po djegin vendin, të djegin edhe listën e kriminelëve të drogës!

Prokuroria nuk është para ndonjë thashethemi, po para deklarimeve zyrtare e publike të Kryeministrit dhe Ministrit të Brendshëm.





Lajmet e fundit nga