web counter
LEXO PA REKLAMA!

SHKARKO APP

App Store
Google Play

E fundit!

x

Hetuesit rrinë e vështrojnë /Mësoni kush po ja vë zjarrin Shqipërisë

3 Gusht 2017, 08:46, Aktualitet CNA

Lllogara, Mallakastër, Elbasan, Vlorë, Berat?Prej javësh vendi ndodhet nën flakët e zjarreve që po shkrumbojnë hektarë pyjesh të virgjëra, ndërkohë që në disa zona megjithse zjarrfikësit dhe forcat e ushtrisë po luftojnë fort me flakët nuk po ja ndalin furrinë. Situata është bërë aq alarmante sa e ka detyruar ministrin e Brendshëm Teknik në detyrë, Dritan Demiraj ti bashkëngjitet në shqetësim homologes së tij të Mbrojtjes Mimi Kodheli.

Me anë të një postimi në faqen e tij në rrjetet sociale, teksa inkurajon strukturat zjarrëfikëse për të shpëtuar pasuri dhe jetë njerëzish, Demiraj flet për rrezikim të sigurisë kombëtare nga zjarrvënia. Por dhe pohon se deri më tani nuk rezulton i kapur asnjë autor i zjarrëvënieve, megjithse, sipas tij ?zjarrëveniet janë të qëllimshme?.

Alarmit të ministrit të Brendshëm teknik, Dritan Demiraj, për cënim të sigurisë kombëtare nga zjarret, që po shkretojnë pyjet, i bashkohet edhe dëshmia e gazetarit Fatos Mahmutaj, i cili në një letër drejtuar kryeministrit Edi Rama, pikërisht për këtë temë, denoncon edhe autorët e zjarrvënies. Duke e çuar më tej atë që ministri Demiraj e vlerëson si ?zjarrvënie të qëllimëshme, që rrezikon sigurinë kombëtare?. Përgjegjesit do të kapen e do të dënohen ashpërsisht, kërcënon Demiraj, duke mos patur asnjë të arrestuar deri më sot, ndërkohë që gazetari Mahmutaj shkon tek fakti konkret.

??Edhe pse të terrorizuar nga shkrumbimi dhe fqinjët e papërgjegjshëm, bashkëfshatarët e mi më pohuan se zjarri nuk ra aspak nga qielli, por ishte ndezur nga kultivuesit e hashashit, të cilët për të zhdukur gjurmët e krimit i kishin vënë flakën sipërfaqeve??, shprehet Mahmutaj, në letrën e tij adresuar Edi Ramës.

Të gjithë janë të shqetësuar nga stuhia e paparë e flakëve që po përvëlojnë masive të tëra të pasurisë kombëtare, që po bëhen shkrumb e hi nga duar të padukëshme personash, të cilët vijojnë të qëndrojnë anonim, nga që institucionet e hetuesisë bëjnë të njejtën gjë si edhe ne që nuk kemi gjë në dorë për ti zbuluar e ndëshkuar. Pra rrinë e vështrojnë gjuhët e flakëve shkrumbuese./ CityNews





Lajmet e fundit nga