web counter
LEXO PA REKLAMA!

SHKARKO APP

App Store
Google Play

E fundit!

x

Hyn në fuqi ligji më i rendësishëm i Reformës në Drejtësi/ Ja cili është

1 Gusht 2017, 08:37, Aktualitet CNA

Një prej ligjeve më të rëndësishme, pjesë përbërëse e Reformës në Drejtësi, ka hyrë sot në fuqi. Ai është Kodi i Procedurës Penale, i cili i është nënshtruar ndryshimeve thelbësore nga Parlamenti, duke diktuar qasje të re ligjore në luftën ndaj një sërë veprave penale që kanë të bëjnë me  procedurat hetimore dhe gjyqësore.

Pjesa më e rëndësishme e ndryshimeve qëndron tek fakti se në Kodin e ri janë përcaktuar kompetencat që do të ketë struktura e Posaçme Antikorrupsion (SPAK), me Prokurorinë dhe Gjykatën e Posaçme. Janë shtatëmbëdhjetë vepra penale që kanë të bëjnë me korrupsionin e që janë përcaktuar për tu hetuar nga kjo strukturë e posacme.

Një tjetër element i rendësishëm, që përcakton Kodi i Ri, është kufizimi i pushtetit të prokurorive, duke përcaktuar kufij të qartë ligjor midis tyre. Kështu dosjet e korrupsionit dhe krimit të organizuar u hiqen prokurorive të derisotme për tu transferuar tek Prokuroria Speciale e SPAK. Prokuritë dhe gjykatat e zakonëshme do të kenë si kompetencë dy vepra të rëndësishme penale: shpërdorimin e detyrës dhe fshehjen e pasurisë.

Por hyrja në fuqi e Kodit të Procedurës Penale ka si element tjetër shumë të rendësishëm faktin se për të parën herë në historinë e drejtësisë shqiptare do të ndodhë që veprimet hetimore që do të kryhen nga prokuroria duhet të marrin edhe miratimin e gjykatës. Çka presupozon që vendimet e pushimit të hetimeve për çështje të ndryshme, ndryshimi i akuzës, zgjatja e afateve të hetimit, kontrollet dhe ekspertizat për shkak të hetimit, por edhe dërgimi i dosjes për gjykim përveç kërkesës së prokurorit, duhet të kenë patjetër  edhe miratimin e gjykatës. /CityNews





Lajmet e fundit nga