web counter
LEXO PA REKLAMA!

SHKARKO APP

App Store
Google Play

E fundit!

x

Gënjeshtra e Ramës me drejtorët e Hipotekave

1 Gusht 2017, 11:43, Aktualitet CNA

Vetëm pak ditë më parë, kryeministri Edi Rama mblodhi në zyrën e tij në Kryeministri të gjithë drejtorët e Hipotekave në vend. Teksa i kritikoi ashpër për abuzimet në detyrë, kryeministri Rama iu kërkoi dorëheqjen të gjithë drejtorëve, duke iu dhënë afat 24 orë. Sipas tij, drejtorët e Hipotekave kishin torturuar njerëzit nëpër zyra, duke mos iu shëryer siç duhet, ndaj dhe duhet të largoheshin.

Menjëherë pas urdhrit të Ramës, nisën dhe dorëheqjet e drejtorëve, ku të parët që iu përgjigjën thirrjes ishin: drejtori i Gjirokastrës, Meleq Karabina, ai i Tepelenës, pëllumb Milori, si dhe ai i Përmetit, Gentjan Kukureci.

Në fakt, urdhrit të kryeministrit iu përgjigjën edhe drejtorët e tjerë, të gjithë shkuan dhe dhanë dorëheqjen ashtu siç iu kërkua, por një pjesë e madhe nuk janë larguar nga detyra. Atyre vijon t?iu mbahet pezull dorëheqja, nuk iu konfirmohet, duke iu dhënë kështu të drejtën të jenë në krye të detyrës dhe ta ushtrojnë atë pa asnjë problem.

Pra, ka një alibi në urdhrin e Ramës dhe vënien e tij në zbatim, teksa një pjesë e drejtorëve të Hipotekave tashmë kanë dhënë dorëheqjen nga detyra, ndërsa një pjesë tjetër vijojnë të qëndrojnë në karrigen e lartë.

Kjo nxjerr në pah gënjeshtrën e kryeministrit Rama dhe mënyrën se si po i mashtron qytetarët, duke qenë selektiv në vendimet e tij. Ai largon nga detyra drejtorët që do dhe jo të gjithë, siç thotë para publikut, apo dhe ata që duhet të largohen në të vërtetë./CityNews





Lajmet e fundit nga