web counter
LEXO PA REKLAMA!

SHKARKO APP

App Store
Google Play

Nesër festohet 25-vjetori i Kryepiskopit Anastas në krye të Kishës Orthodhokse

1 Gusht 2017, 11:00, Aktualitet CNA

Kisha Orthodhokse Autoqefale e Shqipërisë feston nesër 25-vjeçarin e zgjedhjes dhe fronëzimit të Kryepiskopit Anastas në krye të saj.

Në një njoftim për kremtimin e këtij përvjetori, pjesëtarët e Kishës shkruajnë se 25 qershori zgjedhja e Kryepiskopit Anastas dhe 2 gushti 1992, fronëzimi i tij, do shënonin 25 vjet më parë fillimin e një mrekullie.

Ja njofimi i plotë:

– Kremtim festiv me rastin e 25-vjetorit të zgjedhjes dhe fronëzimit të Kryepiskopit Anastas në krye të Kishës sonë –
24 qershori, zgjedhja e Kryepiskopit Anastas dhe 2 gushti 1992, fronëzimi i tij, do shënonin 25 vjet më parë fillimin e një mrekullie: atë të ringritjes së pashoqe nga hiri i përndjekjes ateiste të Kishës Orthodhokse Autoqefale të Shqipërisë dhe ecjes së saj përpara.
Pra, në këtë përvjetor kemi shumë për të kujtuar, nderuar, festuar. Dhe patjetër, të gjithë ne, pjesëtarët e Kishës Orthodhokse Autoqefale të Shqipërisë, i kemi zemrat plot gëzim e mirënjohje, e cila shkon së pari tek ai që e bëri të mundur këtë mrekulli; që u lut, e projektoi, e realizoi dhe mbështeti edhe në momentet më të vështira, te Kryepiskopi i Tiranës, Durrësit dhe i Gjithë Shqipërisë, Anastasi, që pati bekime të bollshme nga Perëndia për ta kryer këtë mrekulli dhe mbështetjen e patundur të besimtarëve orthodhoksë edhe në momentet më të vështira.
Me këtë rast, në Katedralen ?Ngjallja e Krishtit?, në Tiranë, do të zhvillohet Liturgji Hyjnore Panegjerike, ku do të marrin pjesë anëtarët e Sinodit të Shenjtë të Kishës sonë. Për këtë ditë të shënuar do të vijnë nga i gjithë vendi edhe klerikët e dorëzuar nga Kryepiskopi në vitet e para, si dhe besimtarë nga të gjitha Mitropolitë.
Pas Liturgjisë Hyjnore do të jepet një koncert festiv i përgatitur nga rinia orthodhokse, me këngë kishtare, si dhe këngë e valle popullore. Gjatë shfaqjes do të jepet edhe një film dokumentar për veprën e Kryepiskopit Anastas dhe ringritjen e Kishës nga gërmadhat (deri në vitin 1997)./CityNews





Lajmet e fundit nga