E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fuga përgenjeshtron Bolinon: S’ka pasur darkë në Hollandë/E vërteta që fsheh Drejtori i Ramës

1 Gusht 2017, 15:40, Aktualitet CNA

Një darkë e kryeministrit Edi Rama në Hollandë me disa personalitete të njohura ndërkombëtare është bërë shkrim kryesor në disa media të rëndësishme në vend.

Fillimisht ka qenë ?Syri.net?, media që ka publikuar detaje nga kjo darkë, ku bazuar te shkrimi i ish zëdhënësit të ish kryeministrit britanik Tony Blair, por edhe nga burime të sigurta të tij, deklaronte se kjo ishte një darkë masonike, në të cilën është vendosur fati i Shqipërisë.

Më pas lajmi i darkës në Hollandë u publikua edhe nga media ?Shqiptarja.com?, në pronësi të Carlo Bolinos.

Në bazë të këtij shkrimi të ?Shqiptarja.com?, kjo darkë ishte zhvilluar në Hollandë, madje duke u bazuar tek shkrimi i Alistair Campbell, Rama kishte treguar një histori në darkën e organizuar prej tij.

Në lidhje me këtë lajm të ?Shqiptarja.com?, në pronësi të Carlo Bolinos, mbrëmjen e djeshme ka reaguar publikisht Drejtori i Komunikimit pranë Kryeministrisë , Endri Fuga.

Endri Fuga, teksa riposton lajmin e Shqiptarja.com në Twitter përgenjeshtron publikisht Carlo Bolinon dhe median e tij, ndërsa pyet se në cilin moment thuhet se darka është zhvilluar në Hollandë.

CityNews, në një verifikim të thjeshtë, si në shkrimin origjinal të Alistair Campbell apo në shkrimin e përkthyer, madje të publikuar nga Shqiptarja.com, vërteton se në asnjë moment ish zëdhënësi i ish kryeministrit britanik, Tony Blair nuk e përmend që darka është zhvilluar në Hollandë.

Duke shkuar më tej në atë çfarë ka ndodhur pas përgenjeshtrimit të Endri Fugës ndaj medias së Carlo Bolinos, zbuluam se titulli i lajmit të djeshëm rreth darkës së Ramës është ndryshuar nga ?Edi Rama tregoi një histori në darkën e organizuar prej tij në Hollandë?, në ?Ish zëdhënësi i Blair: Vizitoni Shqipërinë, do ta doni po aq sa unë?.

Kjo e faktuar edhe në foton e mëposhtme, ku duket qartë se titulli i Shqiptarja.com, i shpërndarë nga Endri Fuga ka qenë ndryshe dje dhe është krejt ndryshe pas përgenjeshtrimit. Një ndryshim i tillë mund të ketë ndodhur edhe në brendësi të lajmit, pasi duke dhënë një detaj tjetër, lajmi është bërë dje në orën 19:13, përditësuar më pas në 21:59.

Gjithsesi në fund të kësaj përplasjeje publike mes Drejtorit të Edi Ramës dhe medias që e mbështet atë, një detaj ngelet me një pikëpyetje të madhe.

Kush po gënjen në këtë rast, Endri Fuga, i cili arriti të përgenjeshtronte publikisht median e Bolinos, duke u munduar të shpëtojë këtë rrjedhje informacioni, Bolino që ndryshoi titullin, apo është një tymnajë e krijuar nga asgjëja?

Në fakt një e vërtetë pranohet nga të gjithë, që darka ekziston dhe Fuga për sa kohë lodhet të përgënjeshtrojë titullin e Bolinos dhe Syrit mjafton të tregojë vetë se kur është zhvilluar darka, ku është zhvilluar, çfarë është diskutuar dhe cili ishte qëllimi dhe përfundimi i saj./CityNews