web counter
LEXO PA REKLAMA!

SHKARKO APP

App Store
Google Play

E fundit!

x

Urdhri i Ramës/ Reagon Drejtoresha e Hipotekave: Drejtorët që do largohen

31 Korrik 2017, 11:56, Aktualitet CNA

Drejtoresha e Hipotekave, Blerina Doracaj ka dalë ditën e sotme në një deklaratë për mediat, pas kërkesës që kryeminstri Edi Rama bëri pak ditë më parë për dorëheqhe të drejtorëve të Hipotekave.

Doracaj është shprehur se Ramës i është paraqitur çdo informacion ashtu siç është, pa fshehur asgjë.

Gjithashtu, ajo shtoi se ka kërkuar që drejtuesit e zyrave vendore të futen në një garë për të merituar nderin për t’i shërbyer qytetarëve.

“Për ecurinë e punës dhe situatën e çdo zyre të ZRPP, është hartuar një informacion dhe i është paraqitur Kryeministrit pa fshehur asgjë. Mbi bazën e kësaj analize fillestare të situatës kam kërkuar që të gjithë drejtuesit e zyrave vendore të futen në një garë për të merituar nderin për t’i shërbyer qytetarëve.

Regjistruesit do të zgjidhen kundrejt një procedure të hapur e cila do të përmbyllet në fund të muajit gusht. Për këtë do të ngrihet një grup punë për përcaktimin e rrepta dhe ngushtësisht teknike për aplikuesit për regjistruesit në të gjithë zyrat vendore. Paralelisht me hapjen e konkursti për regjistruesit do të nisë edhe një proces verifikimi apo vettingu për të gjithë punonjësit e zyrave të regjistrimit nga i pari tek i fundit. Për çdo rast që do të konstatohet shkelje ligji do të procedohet me kallëzime penale dhe për çdo rast të shkeljes administrative do të bëhet largimi nga puna i këtyre punonjësve”, tha Blerina Doracaj./CityNews





Lajmet e fundit nga