web counter
LEXO PA REKLAMA!

SHKARKO APP

App Store
Google Play

Droga në vend/ Çako: Kemi çdo informacion për 5 grupe kriminale

31 Korrik 2017, 11:04, Aktualitet CNA

Drejtori i Përgjithshëm i Policisë, Haki Çako bëri një deklaratë të fortë gjatë mbledhjes së zhvilluar me Task-Forcën, ku ishte i pranishëm edhe kryemministri Edi Rama.

Çako u shpreh se uniformat blu po hetojnë 5 grupe të strukturuara kriminale, të cilëve u janë evidentuar edhe të gjitha asetet kudo që i kanë shtëpi, truall, automjete dhe biznese.

?Si rezultat i punës së bërë, monitorimit deri në skajin më fundor gjeografik nga toka e ajri, jemi në një situatë plotë kontrolli.Të gjitha strukturat e shtetit vijojnë kontrollin në vendet ku mund të mbillen fidanë kanabisi, janë kryer 3700 kontrolle. Synohet evidentimi dhe goditja e grupeve kriminale që synojnë të trafikojnë lëndën narkotike.

Janë angazhuar të gjitha forcat e policisë në kuadër të kësaj pune, për të dëmtuar asetet që janë krijuar nga shitja e trafikimi i lëndë narkotike. Po hetohen 5 grupe të strukturuara kriminale, janë evidentuar pasuritë e asetet kudo që i kanë, shtëpi, truall, automjete, biznese. Policia e Shtetit është e vendosur për ta finalizuar me sukses këtë betejë, si dhe të çojë përpara gjykimit ata zyrtarë që nuk kryejnë dertyrën si duhet,? tha Çako./CityNews





Lajmet e fundit nga