web counter
LEXO PA REKLAMA!

SHKARKO APP

App Store
Google Play

E fundit!

x

Drogë shqiptare në Mynih/ Ja sa kg u sekuestruan në doganë

27 Korrik 2017, 13:55, Aktualitet CNA

Doganierët bavarezë të Doganës së Mynihut, ndërsa po kontrollonin kamionët dhe trajlerat për një ngarkesë ilegale me armë dhe municione, u tërhoqi vëmendjen një kamion bosh.

Nga kontrolli me skaner i kamionit bosh rezultoi se kamioni kishte dopjo parete. Në to u gjetën të fshehura 16 kartona dhe 11 canta të mëdha sportive të mbushura me kanabis.

Gjithsej u sekuetruan 550 kg. kanabis, me vlerë shitjeje me cmim pakice 5 milion euro. Ndryshe nga italianët që janë mësuar tashmë të sekuestrojnë vazhdimisht tonelata me kanabis shqiptar, doganierët gjermanë mbetën të habitur dhe u ngazëllyen nga kapja e një sasie të tillë droge.

Menjëherë u ndalua shoferi 61 vjecar me pasaportë serbe i kamionit. Një pasagjer po me pasaportë serbe, që gjendje në kabinën e kamionit u ndalua dhe më pas u la i lirë për mungesë provash për përfshirje në këtë trafik ndërkombëtar droge.

Pas analizave laboratorike rezultoi se kjo sasi kanabisi shqiptar ishte e cilësisë së lartë me një përmbajtje të lëndës aktive THC nga 10-16%. Kamioni me kanabis kishte kaluar në 5 shtete para se të binte në duart e doganierëve bavarezë.

Me forcimin e raporteve personale të kryeministrave serbë e shqiptarë (Vucici-Rama) janë forcuar edhe raportet e bashkëpunimit ndërmjet bandave të strukturuara kriminale serbe me ato shqiptare dhe kosovare./GJERGJ THANASI





Lajmet e fundit nga