web counter
LEXO PA REKLAMA!

SHKARKO APP

App Store
Google Play

Ujërat e zeza “vërshojnë” në Ksamil/ “Shpërthen” deputeti i PS: Aferë ulëritëse!

26 Korrik 2017, 15:52, Aktualitet CNA

Deputeti i zgjedhur i Partisë Socialiste në Sarandë, Alket Hyseni, ka reaguar ashpër në ldhje me situatën e krijuar sot në Ksamil, ku ujërat e zeza u hodhën në bregdet.

Në rrjetet sociale, Hyseni shpreh shqetësimin dhe indinjatën mbi situatën skandaloze, teksa i bën thirrje urgjente Bashkisë Sarandë dhe Ndërmarrjes së Ujësjellës-Kanalizimeve të ndërhyjnë menjëherë.

Më tej, ai deputeti i ri kërkon të nisë menjëherë procedimi penal, gjetja e autorëve përgjegjësh dhe vendosja para përgjegjësisë ligjore, penale e civile e shkaktarëve të kësaj gjendjeje.

Ja reagimi i plotë:

Jam shumë i shqetësuar dhe i indinjuar nga situata skandaloze në Ksamil, si rezultat i shpërthimit të kanalizimeve të ujërave të bardha dhe të zeza.
Duke i bërë thirrje urgjente Bashkisë Sarandë dhe Ndërmarrjes së Ujësjellës-Kanalizimeve që të stabilizojnë menjëherë situatën alarmante, kërkoj me forcë nga organet ligjzbatuese, që të fillojnë menjëherë proçedimin penal, gjetjen e autorëve përgjegjës dhe vendosjen para përgjegjësisë ligjore, penale dhe civile, të shkaktarëve të kësaj gjendjeje, të cilët me cilësinë e dobët të punimeve, projektin e devijuar apo keqpërdorimin e fondeve, rezultojnë të përfshirë në këtë aferë ulëritëse, me pasoja të rënda për shumë biznese të zonës, për qytetarët, si dhe për dëmtimin e imazhit turistik të Kasmilit dhe gjithë Shqipërisë.
Nga ana tjetër siguroj çdo të dëmtuar nga kjo situatë, që do të jem në ballë të përpjekjeve për rikuperimim e pasojave dhe dëmshpërblimin e tyre.
Keqardhje dhe ndjesë për çdo pushues që përjeton këtë situatë në kulmin e sezonit turistik në plazhet më të bukura të rivierës sonë./CityNews





Lajmet e fundit nga