web counter
LEXO PA REKLAMA!

SHKARKO APP

App Store
Google Play

E fundit!

x

Këshilltari i PD: Qytetarët të rrinë të qetë, çmimi i ujit s’ është rritur/ Ja pse

26 Korrik 2017, 19:38, Aktualitet CNA

Fabian Topollaj, Këshilltar i djathtë në Bashkinë e Tiranës u shpreh se vendimet  e miratuara sot nga këshilli bashkiak i Tiranës, përshirë edhe atë për rritjen e çmimit të ujit të pijshëm, janë të paligjshme.

Në një prononcim për mediat, Topollaj iu drejtua qytetarëve duke u thënë se duhet të rrinin të qetë pasi rritja e çmimit të ujit nuk ka kaluar.

Ai ka dhënë edhe arsyet.

?Është marrë në kushtet e mungesës së kuorumit. Ky është akt hajdutërie i kryebashkiakut Veliaj. Pas taksave të qytetit, pas parkingjeve dhe biletës së urbanit, rriti dhe ujin. Pavarësisht se Veliaj pretendon, kuorumi nuk është arritur. Këshilli e nis mbledhjen vetëm nëse ka 31 këshilltarë të këshillit bashkiak.

Zëvendësimi i mandatit, kur ikën një këshilltar dhe vjen një tjetër, e merr vendimin vetë këshilli. Kanë qenë 7 këshilltarë që janë zëvendësuar, dhe këta janë llogaritur në kuorum, individë pa qenë ende këshilltarë. Duhej të evidentohej prezenca e kuorumit në fillim të mbledhjes. Veliaj në panik për të kaluar vendimin e tij të radhës të hajdutërisë, kjo që ka bërë Veliaj sot është diçka e paprecedentë moral. E bëri pas zgjedhjeve se kishte frikë, sa mbaruan zgjedhjet e miratoi,? tha Topollaj./CityNews





Lajmet e fundit nga