web counter
LEXO PA REKLAMA!

SHKARKO APP

App Store
Google Play

Vota “pro” e këshilltarëve, Luan Rama i mohon: S’janë të LSI

26 Korrik 2017, 19:10, Aktualitet CNA

Pas votimit ?pro? të dy këshilltarëve të LSI, Zv/kryetari i LSI Luan Rama është shprehur se ata nuk përfaqësojnë qëndrimin e LSI.

Në një prononcim për mediat, Rama tha se LSI e ka shprehur hapur qëndrimin e saj kundër rritjes së uji, e ndërsa për sa i përket qëndrimit të Agim Krajës dhe Genta Mezinit, dy këshilltarët e LSI që  votuan pro, zv. kryetari u shpreh se s’konsiderohet votë e grupit të këshilltarëve të kësaj force politike.

Ai fajësoi gjithashtu PD-në pasi sipas tij, ishte ajo që plotësoi kuorumin për të nisur mbledhja.

?Nuk kam asnjë qëndrim të ndryshëm nga ajo që ka shprehur koordinatorja e këshilltarëve të LSI, i cili konsistonte në bashkëpunim institucional dhe transparencë në funksion të mbrojtjes së interesit të qytetarëve. Kjo për të ofruar kontributin tonë në interes të qytetarëve, vota atje nuk është votë e LSI.

Njërën nuk e njoh fare, më tha që ka hyrë sot, tjetri ka qenë, ka ikur, ka ardhur prapë. Pra, është këshilltarë shëtitës, është çështje e tij. Por qëndrimi i tij, nuk është qëndrim i LSI. Pavarësisht kësaj nuk është ky qëndrimi i LSI dhe s’konsiderohet votë e grupit të këshilltarëve të LSI.

Vota zyrtare e LSI ishte largimi nga mbledhja pa filluar mbledhja, kuorumin e mbledhjes e bënë këshilltarët e PD-së. Ne zgjodhëm të mosmarrim pjesë në mbledhje?, u shpreh Rama.





Lajmet e fundit nga