E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rritja e çmimit të ujit, thikë pas shpinës së qytetarëve të Tiranës

24 Korrik 2017, 17:32, Aktualitet CNA

E vetmja mënyrë për të mbushur arkën janë taksat, deklaronte në emisionin ?Studio e hapur?, datë 04 korrik 2017. kryetari i Bashkise së Tiranës, Erjon Veliaj, dhe, në vijim të kësaj teorie kërkon t?ja ngop tiranasve me propozimin e fundit për rritjen e çmimit të ujit.

Sipas një vendimi, që do ti propozohet Këshillit Bashkiak ditën e mërkurë, Veliaj po përgatit rritjen e çmimit të ujit, ku për familjarët propozohet një rritje çmimi nga 45 lek/ m^3, në 65 lekë/m^3,, ndërsa për bizneset, rritja e propozuar është nga 135 lekë/m^3, në 190 lekë/m³.

?Jane heronjë ata që punojnë me mua pasi i kanë hyrë detit në këmbë?, deklaronte Kryebashkiaku po në të njejtin emision, ndërkohë që veten e tij e konsideronte si një të çmendur që drejtonte këta punonjës heroike. Faturat e energjise elektrike dhe ujit që paguajnë kryeqytetasit janë të mbushura me taksa nga më të larmishmet, dhe se fundmi pritet ti shtohet edhe rritja e cmimit të ujit, edhe ku në një vend si Shqipëria e cila ?lundron? mbi burime ujore, pra vertete vetem nje i çmendur mund ta kërkoj ketë rritje çmimi.

Po ky Kryebashkiak deklaronte në të njëtin emision se 70 përqind e ujit që prodhohet humbet ne rrjet, vidhet apo keqperdoret, etj. Shume e vertet, pra me gojen e tij pohon se drejton nje ushtri te paaftesh dhe keq menaxhuesish dhe jo heronjsh, duke vulosur keshtu paftesine e tij dhe te gjithe vartesve dembele e medioker.

Rritja e çmimit propozohet në një kohë që Ujësjellës Kanalizime Tiranë (UKT) rezulton si një nga kompanitë më fitimprurëse dhe rentabël në Shqipëri. Po sipas të dhënave zyrtare, rezulton se UKT ështe një kompani që ka bilanc me fitime, ku vetem në vitin 2016 ishin 2.95 miliardë lekë (21.5 milionë euro). Konsumatorët familjarë sjellin gati gjysmën e të ardhurave të Ujësjellësit. Fitimi i kompanisë, para taksave, ishte 675 milionë lekë, apo gati 5 milion euro, me një rritje prej 8% në raport me fitimin e vitit 2015.

Kësaj takse të re me sa duket i parapriu edhe shpallja e gjëndjes së emergjencës para pak ditëve, ashtu siç kishin vepruar kryeqytetet fqinjë si Roma me mbylljen e shatërvaneve përkohësisht apo dhe Athina.

Veliaj përdor më shumë se një standart kur kërkon t?ja arrij qëllimit të tij pamerituar. Nuk mund të vësh shenjën e barazimit mes shërbimeve dhe cilësisë së tyre që ofron Bashkia e Tiranës me ato të Romës dhe Athinës, ku asnjëra prej tyre nuk i kanë tarracat e pallateve të mbushur me një det depozitash uji, (Roma ka më shumë se 4 milion banorë, Athina rreth 5 milion) dhe humbjet e ujit nuk janë të këtyre përmasave.

Në këto kushte papunësie, varfëri dhe paaftësie rritja e taksës së ujit sidomos per konsumatoret familjare do ishte një thike tjetër e ngulur ndaj qytetarëve të Tiranës. Teoritë e kryetarit që shërbimet që ofron Bashkia e Tiranes janë të mira se ato të Rajonit janë si tek perrallat e shkrimtarit danez Andersenit, ku ndër më të spikaturat është përralla ?Robat e reja të Perandorit?. /Arben DRENOVA/