E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

Bashkimi dhe ringritja e PD/Dy misionet e pamundura të Lulzim Bashës

23 Korrik 2017, 12:05, Aktualitet CNA

Kreu i ri i Partisë Demokratike, Lulzim Basha, ka dhënë sot mesazhin e parë, pasi siguroi votat për një mandat të dytë në krye të selisë blu.

Teksa falënderoi të gjithë demokratët për votën e tyre, Basha ka habitur me deklaratën e tij për humbjen katastrofike të 25 qershorit.

Ai tha se vërtetë demokratët humbën zgjedhjet, por nuk humbën besimin te partia e tyre.

?Vota e 60 mijë demokratëve konfirmoi dje se kauza jonë e zgjedhjeve të lira, e çlirimit të vendit nga droga, dhe kthimit të politikës tek qytetari, është kauza e drejtë e kohës, është kauza me më shumë mbështetës të lirë dhe një kauzë që do të shkojë përpara pa u ndalur.Gara tregoi se PD është një parti e madhe, perëndimore, parti evropiane. Ne demokratët vërtet humbën zgjedhjet, por nuk humbën besimin tek partia jonë. E ardhmja e PD është e sigurt?, theksoi Basha.

Ky mesazh i Bashës, që flet për bashkim dhe të ardhme të sigurt të PD, vjen në një moment mjaft kritik për partinë e dytë më të madhe në vend, e cila u zhyt në këtë gjendje nga vetë Lulzim Basha. Ky i fundit shkatërroi PD, duke i dhënë rezultatin më katastrofik në zgjedhjet e 25 qershorit, duke përçarë deri në çdo “qelizë” strukturat dhe bazën e kësaj partie.

Lulzim Basha ishte lideri më i paaftë i PD në këto katër vite në krye të saj, që çorganizoi në mënyrë të tmerrshme partinë, duke humbur besimin e figurave më të rëndësishme dhe me peshë e kontribut të PD.

Ai nuk krijoi kurrë frymë bashkimi dhe siguri për të ardhmen e PD, për ringritjen e saj, ndaj dhe deklarata e sotme e tij, e cila dukshëm u bë nën euforinë e fitores së padrejtë, nuk duket të ketë asnjë grimcë të vërtete apo ngjallje shprese te demokratët se partia e tyre do forcohet.

Lulzim Basha duket të jetë lideri i dështuar i bashkimit të PD, ky do mbetet një mision i pamundur i tij edhe në katër vitet e ardhshme. Një njeri që mendon vetëm për karrigen, edhe në ditët më të zeza të partisë, nuk mund të ofrojë asgjë, përveçse të vazhdojë të rendë pas pushtetit dhe të bëjë çdo gjë për ta ruajtur atë /CityNews