E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Fitore që s’vlen/ Lulzim Basha, kryetari i një partia “zorrëjashtë”

23 Korrik 2017, 09:26, Aktualitet CNA

Pas farsës elektorale dhe një votimi po aq farsë, me një rezultat prej më shumë se nëntëdhjetë përqind të votave në favor të tij, Lulzim Basha, është rikonfirmuar për të qenë në krye të Partisë Demokratike edhe për një tjetër katër vjeçar.

Ajo që bie në sy në gjithë këtë ?aventurë? politike të Lulzim Bashës, njëriut që përdori çdo mjet ligjor e joligjor, statutor e jostatutor për të zaptuar për së dyti postin e kryetarit është etja e pashëmbullt e tij për t?ja arritur me çdo kusht qëllimit. Pra, për të qenë me patjetër ai zoti i plotfuqishëm i PD-së, edhe pse më shumë se gjysma e anëtarësisë e kundërshtoi hapur me mospjesëmarrjen në zgjedhje, ndërsa edhe ata që e votuan nuk e kanë bërë këtë me gjithë shpirt.

Lulzim Basha është kryetari nën kryesimin e të cilit Partia Demokratike njohu standartin më të ulët të drejtimit të saj. Përkundër paraardhësit të tij Sali Berisha, i cili, drejtimin statutor të partisë e kishte normë të tepruar, Lulzim Basha, kurrë gjatë katër viteve të shkuara nuk iu përmbajt normativit.

Sikurse kanë denoncuar kundërshtarët e tij brenda partisë, gjithësa ai ka vepruar e urdhëruar ka qenë jashtëstatutore dhe duke anashkaluar strukturat e larta drejtuese. Falë kësaj praktike Lulzim Basha rezultoi të ishte i pasukses jo vetëm në rezultatin e zgjedhjeve të përgjithëshme parlamentare të 25 qershorit, ku PD e prirë prej tij pësoi humbjen më të thellë historike, por edhe në zhbërjen e Partisë që drejtoi për katër vite me rradhë, e që, pas farsës së 22 korrikut, do ta drejtojë në katër vitet e ardhëshme.

Në fakt, gjykuar nga ajo çka ka ndodhur brenda PD-së gjatë përplasjes elektorale, i bie që në katërvjeçarin e ardhshëm, Lulzim Basha të jetë kryetar i pjesës më të vogël të anëtarësisë mbi njëqind mijëshe. Po të kihen parasysh akuzat e bërat nga antiBashët, si dhe dëshmitë e ofruara nga media për fiktivitet të listave të votuesve e manipulim të procesit të votimit, i bie që me këtë fars-fitore Basha të korrë traumën e tretë të rradhës të PD-së, që mund të jetë shumë herë më e rendë se dy disfatat e kaluara.

Lulzim Basha vërtetë u shpall fitues i kryetarllëkut brenda një partie që fal drejtimit të tij amatoresk është katandisur zorrëjashtë, por kryetarllëku i tij nuk do ti vlej askujt tjetër përveç atij vetë dhe klanit të passkenës që e inspiron. Aq më tepër, kryetarllëku farsë I Lulzim Bashës nuk do të vlejë për ti mbledhur e për ti futur zorrët brenda barkut të çarë të Partisë së traumatizuar, nga po i njejti kryetar gjymtues që, pas vetëngrirjes shpalli si alternativë elektorale bashkimin, duke patur ende zorrët nëpër këmbë.

Në ka një njëri që nuk i duhej në këtë moment Partisë së gjymtuar rendshëm nga keqdrejtimi i katër viteve të shkuara, ky është Lulzim Basha./CityNews