E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

Drogë e madhe në shtratin e lumit/Vlonjatët "lënë pa fjalë" policinë, çfarë u zbulua (Video)

23 Korrik 2017, 07:16, Aktualitet CNA

Policia e Vlorës vijon operacionin masiv antidrogë në të gjithë territorin. Në kuadër të këtij aksioni, uniformat blu zbuluan dhe sekuestruan 21 thasë të mbushur me lëndë narkotike.

Kanabisi ishte fshehur në ujë të ndenjur në shtratin e lumit Shushicë, ndërsa është zbuluar me ndihmën e qenëve antidrogë të policisë.

Detajet e operacionit:

Gjatë kontrollit të territorit , Policia evidenton 21 thasë të mbushur me bimë narkotike, Cannabis Sattiva, boçe, kërcell e gjethe të thata si dhe mbetje të bimëve narkotike, me peshë totale rreth 210 kilogramë.
Lënda narkotike u gjet e hedhur në ujë të ndenjur në shtratin e Lumit Shushicë.
Në kuadër të planeve të masave që Drejtoria e Policisë Vendore Vlorë ka marrë për parandalimin dhe goditjen e kultivimit dhe trafikimit të lëndëve narkotike, duke u nisur edhe nga komunikimi i bërë nga Drejtori i Policisë Vendore Vlorë sëbashku me Prefekten e Qarkut Vlorë me banorët e zonës gjatë një takimi sensibilizues një ditë më parë, strukturat e Policisë kanë vazhduar kontrollet në mënyrë më të imtësishme në zonën e Shushicës.
Në shtratin e Lumit -Shushicë, në disa pellgje me ujë të ndenjur, shërbimet e Policisë në bashkëpunim me Repartin Delta dhe Policinë Kufitare kanë konstatuar të hedhura në ujë, rreth 21 thasë me lëndë narkotike Cannabis Sattiva.
Menjëherë është njoftuar Prokurori në lidhje me sasinë dhe rrethanat e gjeties së lëndës narkotike.
Me urdhër të Prokurorit nga gjitha sasia e lëndës narkotike të gjetur u mor në cilësinë e provës matetiale për ekzaminime laboratorike rreth 30 kilogramë.
Ndërsa pjesa tjetër nuk i plotësonte kushtet për marrjen në cilësinë e provës materiale, ku me porosi të Prokurorit, grupi hetimor kreu veprimet e mëtejshme në vendngjarje.
Gjithashtu gjatë kontrollit të ushtruar në territorin e zonës janë gjendur disa vatra zjarri duke u djegur lëndë narkotike Cannabis Sattiva.
Policia po punon për zbulimin dhe kapjen e autorëve të cilëve u përket sasia e lëndës narkotike e hedhur në ujë në shtratin e lumit Shushicë.
Materialet u referuan në Prokurori për veprën penale “Prodhimi dhe shitja e Narkotikëve”, parashikuar nga neni 283/1 i Kodit Penal./CityNews