web counter
LEXO PA REKLAMA!

SHKARKO APP

App Store
Google Play

E fundit!

x

PD nxjerr shifrat zyrtare/Bojkoti më i madh i demokratëve, sa votuan në çdo qark

22 Korrik 2017, 20:20, Aktualitet CNA

Partia Demokratike ka publikuar të dhënat përfundimtare pas mbylljes së votimit në të gjithë vendin për zgjedhjen e kreut të ri të partisë, në garë mes Lulzim Bashës dhe Eduard Selamit.

Ashtu siç pritej, dhe siç është raportuar edhe gjatë ditës nga CityNews, ky proces votimi ka shënuar pjesëmarrjen më të ulët të demokratëve, ku gati gjysma e anëtarësisë së PD kanë bojkotuar zgjedhjet.

Në total, në të 12 qarqet e vendit votuan 59.766 anëtarë, nga 103.952 anëtarë ose 57.5% e anëtarësisë së Partisë Demokratike.

Komisioni i operacioneve elektorale bën publike të dhënat përfundimtare të pjesëmarrjes në votim të anëtarëve të Partisë Demokratike në të 12 qarqet e vendit:

Shkodër, votuan 4727 votues, nga 8777 anëtarë
Lezhë, votuan 3852 votues, nga 5820 anëtarë
Kukës, votuan 1707 votues, nga 5105 anëtarë
Dibër, votuan 3723 votues, nga 5570 anëtarë
Durrës, votuan 3125 votues, nga 7966 anëtarë
Tiranë, votuan 19937 votues, nga 30314 anëtarë
Elbasan, votuan 4470 votues, nga 6985 anëtarë
Korçë, votuan 5948 votues, nga 8140 anëtarë
Berat, votuan 1946 votues, nga 4877 anëtarë
Fier, votuan 5545 votues, nga 11718 anëtarë
Vlorë, votuan 2423 votues, nga 5093 anëtarë
Gjirokastër, votuan 2363 votues, nga 3587 anëtarë

Ndërkohë, numërimi i votave pritet të fillojë pasi të mbërrijnë selinë qendrore të Partisë Demokratike, në Tiranë, të gjitha kutitë e votimit në mbarë vendin.

Ajo që vlen të theksohet është fakti se Komisioni i Operacioneve Elektorale në PD ka publikuar edhe gjatë ditës shifra të pjesëmarrjes së demokratëve në votime, të cilat nuk rezultuan të ishin të vërteta.

Nuk dihet nëse edhe rezultati final i pjesëmarrjes të jetë manipuluar dhe shifrat e ?servirura? nga selia blu të jenë mashtrimi i radhës për të krijuar idenë e një fitoreje bindëse të Lulzim Bashës.

Në fakt, e vërteta është se shumica e demokratëve bojkotuan zgjedhjet, duke shprehur edhe në këtë ditë mjaft të rëndësishme për PD pakënaqësinë ndaj Bashës, pas shkatërrimit që ai i bëri partisë me rezultatin katastrofik në zgjedhjet e 25 qershorit dhe me garën false e të padrejtë që zhvilloi./CityNews





Lajmet e fundit nga