E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

Video- Sali Berisha konfirmon publikisht CityNews/Ku e drejtoi gishtin për humbjen e thellë të PD

22 Korrik 2017, 19:06, Aktualitet CNA

Lideri historik i Partisë Demokratike, Sali Berisha, votoi sot për kreun e ri të partisë së tij, ku për herë të parë pranoi të thyejë heshtjen dhe të flasë për gjendjen në të cilën ndodhet partia e themeluar prej tij.

Nga selia e PD, ku votoi mes Lulzim Bashës dhe Eduard Selamit, Sali Berisha komentoi për herë të parë humbjen drastike që pësoi partia e dytë më e madhe në vend në zgjedhjet e 25 qershorit.

Nën drejtimin e Lulzim Bashës, i cili erdhi në krye të selisë blu katër vite më parë me ndihmën e vet Berishës, PD njohu humbjen më të thellë dhe më katastrofike që nga themelimi i saj, një rezultat që nuk e kishte pësuar as në vitin famëkeq 1997.

Rezultati dramatik dhe humbja më e thellë historike që pësoi Partisë Demokratike në zgjedhjet parlamentare të 25 qershorit është raportuar jo pak nga CityNews, ndërsa sot është pranuar publikisht dhe nga ish-kryeministri i vendit, Sali Berisha.

Teksa të gjithë kishin kthyer sytë nga Berisha dhe prisnin fjalën e tij, ai sot i dha plotësisht të drejtë gjithçka është raportuar nga CityNews, ku hapur nga selia e PD tha se partia e tij ka njohur humbjen më të thellë në historinë e saj. Më tej, ai vuri alarmin, teksa deklaroi se PD është në vështirësi serioze.

CityNews ka raportuar pa ndërprerje për rezultatin katastrofik që pësoi PD më 25 qershor, nën drejtimin e Lulzim Bashës, i cili shkatërroi partinë, përçau demokratët në bazë e struktura, nuk pranoi të bënte një analizë, por umjaftua me vetëngrirje të funksionit të tij, duke kërkuar sërish frenat e selisë blu.

Sot, lideri historik i kësaj partie, ashtu si dhe CityNews, drejtoi gishtin direkt nga Lulzim Basha, duke e quajtur atë përgjegjësin kryesor të humbjes, e cila ishte më dramatikja në historinë e kësaj partie./CityNews

Video dhe Fakte/Kush është përgjegjësi për humbjen e PD

Lulzim Basha garoi kundër PD, jo kundër Ramës