web counter
LEXO PA REKLAMA!

SHKARKO APP

App Store
Google Play

E fundit!

x

Mungoi ditën e djeshme në takimin e Lëvizjes për Ringritjen e PD/ Topalli rrëfen arsyen

22 Korrik 2017, 16:44, Aktualitet CNA

Ish-kryetarja e Kuvendit si edhe një nga zërat më kritikë të Lulzim Bashës, ka komentuar gjatë një interviste edhe mungesën e saj në takimin e organizuar nga Lëvizja për Ringritjen e Partisë Demokratike, në Akademinë e Arteve.

Sipas saj, termi i përdorur antiBasha nuk është korrekt, sepse në fakt nuk janë të tillë, por janë me mijëra anëtarë të PD, deputetë, ish-drejtues të PD të cilët kanë një thirrje, apel për një analizë.

Gjithashtu, ajo shtoi se ka kërkuar dorëheqjen e Bashës nga PD, fill pas humbjes në zgjedhjet e 25 qershorit.

?Jam në këtë frymë, kam qenë e do të jem. Nuk bie dakord me termin grupi anti-Basha se nuk është e tillë. Janë me mijëra anëtarë të PD, deputetë, ish-drejtues të PD të cilët kanë një thirrje, apel për një analizë. Ka ndodhur një gjë e madhe, një tërmet, nuk mund të bëj sikur nuk e kam parë, apo dëgjuar. Nuk mund të bëj sikur vetëngrirja e kryetarit është diçka normale, është sharlatanizëm. Dhe kjo më pas vijon me shkelje të statutit. Çdo përpjekje për të vendosur në shina statutore, për t?i thirrur ndërgjegjes, në mënyrë që PD të mos mbetet peng i një njeriu që e ka çuar në rezultatin historik më dramatik, është gjëja më normale që mund të mendohet. Unë kam patur një kërkesë për dorëheqje të parevokueshme të Bashës pas humbjes së 25 qershorit. Ata që thonë që mos të japë dorëheqje, nuk e duan PD. Ata që kërkojnë dorëheqjen e njeriut që i futi thikën PD-së, ata e duan PD. Në fakt demokratët e kanë shkarkuar atë më 25 qershor?, tha Topalli./CityNews





Lajmet e fundit nga