Nga Kastriot MYFTARAJ/ Nga sot Basha është Bashari

22 Korrik 2017, 13:57, Aktualitet CNA

?Zgjedhjet? në PD që po bën Basha sot të ngjajnë shumë me ?zgjedhjet? presidenciale që diktatori sirian Bashar al Assad bëri në 2014, në kohën kur nuk kontrollonte pjesën më të madhe të territorit të vendit të tij të shkatërruar, në kulmin e luftës civile. Rezultati i ?zgjedhjeve? që bëri Assadi ishte i njohur paraprakisht, e vetmja kureshtje në botë ishte për atë se sa përqind të votave do t? i shënonte vetes Bashari si fitimtar. Ai i shënoi vetes 88.7% të votave.

Basha do të shpallet fitues në zgjedhjet e sotme në parti, pikërisht pasi ai i ka ?prirë? partisë në humbje katastrofale në zgjedhjet e fundit parlamentare, pas atyre vendore. Ai do të shpallet fitues një parti të cilën ai nuk e ka më nën kontroll as në letër, pasi ndaj tij janë bërë rebelime të hapura. Por e vetmja gjë që do të fitojë Basha sot është maska e Basharit. Nga sot Basha do të jetë Bashari, sepse Basha ashtu si Bashari, po mban ?zgjedhje? Njerëzit e tij nëpër degët e partisë kontrollojnë vetëm selitë dhe nuk kanë autoritet mbi anëtarësinë e partisë. Për Bashën kjo gjë është e mjaftueshme, ashtu si për Basharin është e mjaftueshme që kontrollon pallatin presidencial që për të është Siria.

Lulzim Basha ngjan me Bashar al-Assad-in, diktatorin sirian, në shumë gjëra, duke filluar nga shtati i gjatë dhe i hollë, flokët dhe fizionomia. Bashar Al-Assad erdhi në pushtet si trashëgimtar i babait të tij, Presidentit të Sirisë, Hafez al Assad. Pra, kemi të bëjmë me një trashëgimi pushteti në një republikë, një veçori e diktaturave të botës së tretë kjo. Lulzim Basha u katapultua në politikë, i përzgjedhur si trashëgimtar politik i Berishës.

Në përzgjedhjen e Lulzim Bashës dhe Bashar-al Assad si trashëgimtarë politikë të liderit, ka një koincidencë kurioze. Hafez al-Assad kishte përzgjedhur si trashëgimtar politik, djalin e tij të madh Basil al-Assad, por ai vdiq në një aksident automobilistik në 1994. Kështu iu hap rruga Bashar al-Assad për të ardhur në pushtet pas vdekjes së papritur të babait të tij, në vitin 2000. Rivali i Bashës në zgjedhjet partiake të vitit 2013, vdiq në një aksident automobilistik katër muaj pas këtyre zgjedhjeve.

Bashar Al Assadi mendon se zgjedhjet presidenciale të vitit 2014, në të cilat ai mori një mandat të ri shtatëvjecar janë të besueshme sepse ai në këto zgjedhje nxorri edhe një kandidat rival, të quajtur Hassan al-Nouri, i cili madje kishte leje edhe ta kritikonte diktatorin. Basha mendon se zgjedhjet e sotme partiake janë të besueshme sepse përballë tij kandidon edhe Eduard Selami. Por Eduard Selami nuk është veçse ?Hassan al-Nouri? i Bashës.

Nga sot Basha ka në fytyrë maskën e Basharit dhe ai meriton të quhet Bashar./CityNews