web counter
LEXO PA REKLAMA!

SHKARKO APP

App Store
Google Play

Korça “turpëron” Bashën/Demokratët nuk votojnë, dy rrugët e manipulimit

22 Korrik 2017, 13:16, Aktualitet CNA

Demokratët e Qarkut të Korçës duket të jenë ndër më të zhgënjyerit ndaj kreut të PD, Lulzim Basha, i cili pretendon të marrë sërish frenat e selisë blu, pas një gare false dhe të padrejtë. Anëtarët e Partisë Demokratike po votojnë sot për të zgjedhur mes Bashës dhe Selamit kreun e ri të partisë së tyre.

Pjesëmarrjes tepër të ulët në këtë proces votimi i janë bashkuar edhe demokratët korçarë, të cilët shprehën pakënaqësinë e madhe ndaj Bashës, që pas listës së tij personale të kandidatëve për deputetë që iu paraqiti atyre, duke vënë në listë fituese asnjë përfaqësues të denjë për Korçë, ku minimalja as nuk jetojnë në qytetin juglindor.

CityNews mësoi se pjesëmarrja në Korçë deri më tani nuk është më shumë se 5%, duke treguar bojkotin masiv që i ka bërë anëtarësia e PD në këtë qark Lulzim Bashës, pas bojkotit që i bënë qytetarët më 25 qershor.

Komisioni i Operacioneve Elektorale, i kontrolluar nga njerëzit e Bashës, ka mashtruar hapur dhe me shifrat e pjesëmarrjes në Korçë, ku në një njoftim tha se votuan 2024 votues, nga 8140 anëtarë.

Në fakt, e vërteta është se as 5% e demokratëve të Korçës nuk kanë votuar deri më tani dhe pjesëmarrja pritet të jetë po kaq e ulët edhe në orët në vijim, deri në mbyllje të procesit të votimit.

Ndërkohë, burime i thanë CityNews se ?ushtarët? e Lulzim Bashës po mashtrojnë me shifrat, duke hedhur vota nga emigrantët, ku Korça njihet për numrin e lartë të emigranëve. Të njëjtat burime raportuan për CityNews se tentativa për manipulim të shifrave dhe rezultatit, në favor të Bashës, ka dhe në disa fshatra të thella, siç është Vithkuqi, Lekasi, Voskopoja dhe Moglica./CityNews





Lajmet e fundit nga