web counter
LEXO PA REKLAMA!

SHKARKO APP

App Store
Google Play

E fundit!

x

Angela Merkel, kimistja që u shndërrua në gruan më të fuqishme në botë

20 Korrik 2017, 06:23, Aktualitet CNA

Gruaja më e fuqishme në botë ka fituar “Ph.D.” në fizikë kuantike, kryeson ekonominë më të fortë në Evropë. Kancelaria gjermane Angela Merkel është lidere e padiskutueshme për evropianët. Ja tregimi i ngritjes së saj, që nga regjimi i Gjermanisë Lindore deri te liderja e Gjermanisë së sotshme.

ANGELA KASNER KA LINDUR NË HAMBURG, NË GJERMANINË PERËNDIMORE, MË 17 KORRIK 1954

Angela Dorothea Kasner u lind nga babai Herlind Kasner, mësues i anglishtes dhe gjuhës latine, dhe Horst Kasner, predikuese e teologjisë. Disa javë pasi ajo kishte lindur, i ati i saj familjen e kishte bartur në Templin, Gjermaninë Lindore, një orë larg Berlinit.

KARRIERËN PREMTUESE NË SHKENCË E KISHTE PËRDORUR PËR T’U FSHEHUR NGA REGJIMI REPRESIV GJERMAN

Pasi kishte merituar doktoraturën, ajo kishte punuar si kimiste te Akademia e Shkencave, ku ishte një nga femrat e pakta që merrnin pjesë në hulumtime. Ishte e bindur që karriera e saj do ta mbronte nga regjimi i Gjermanisë Lindore. Merkel dhe bashkëshorti i saj u shkurorëzuan në vitin 1982. Më vonë u martua me Joachim Sauer, profesor të kimisë.

E PËRSOSUR NGA NATYRA, E SHKËLQYESHME NË STUDIME

Ishte e shkëlqyeshme në akademi, sidomos në matematikë, shkencë dhe gjuhë. Në adoleshencën e saj të hershme, prindërit e saj e kishin inkurajuar që t’i bashkohej organizatës së rinisë komuniste, “Freie Deutsche Jugend”, ose Rinia e Lirë Gjermane, për t’i zhvilluar shkathtësitë e saj në politikë. Pasi kishte përfunduar kursin e fizikës në shkollën e lartë, ajo kishte vendosur që të ndjekë diplomimin në Universitetin e Lajpcigut në fizikë, për të dëshmuar superioritetin e saj në këtë temë.

PUNA E SAJ NË POLITIKË ISHTE SHKARKIMI I KUTIVE

Në vitin 1989, Merkel kishte bërë një hap përpara në karrierën e saj në politikë dhe u ishte bashkuar aktivistëve të qendrës së djathtë të “Democratic Awakening”. Puna e saj e parë ishte shkarkimi i kutive të kompjuterëve të rinj dhe përgatitja e tyre për zyrë. Një vit më pas, ajo u bë zëdhënësja e partisë, duke ia ndërruar emrin edhe partisë, nga “Allianz für Deutschland”, ose Aleanca për Gjermaninë.

DHE, MË PAS E BËRI HISTORINË

Disa vjet më vonë, ajo ishte zgjedhur si udhëheqësja e re e “CDU”-së, duke u bërë femrën e parë për të udhëhequr një parti të madhe gjermane. Fushatën e saj e ka filluar kundër liderit SocialDemokrat, Gerhard Schroder.

U BË POPULLORE ME VOTUESIT PËR KLASIN E SAJ

Gjatë një debati të drejtpërdrejtë në televizion, Schroder i kishte bërtitur në skenë, duke i thënë se duhet ta kuptojë se ajo ishte një “humbëse e qartë”. Ajo shfrytëzoi mundësinë për t’iu përgjigjur, një strategji që e përdor për t’i mposhtur kundërshtarët. Votuesit filluan ta cilësojnë si një kandidate me klas. Pak kohë më pas u bë kancelare.

QASJEN SHKENCORE E PËRDOR EDHE NË POLITIKË

Njerëzit shpeshherë më akuzojnë se nuk veproj mjaftueshëm. Se i lë gjërat për kohë të gjatë të ecin tutje. Për mua rëndësi ka t’i shterë të gjitha opsionet … duke kaluar nëpër të gjithë skenarët e mundshëm dhe jo eksperimentet e thjeshta teorike në kokën time. Por, po ashtu tentoj të jetoj me atë vendim për pak kohë. Mendoj për këtë gjithë ditën, të shikoj si po zhvillohen gjërat. Që do të thotë, çfarë do të thonë njerëzit në lidhje me këtë, kush do të shkruajë diçka për këtë, kush do ta kritikojë”, thotë Angela Merkel.

ADHUROHET NGA KOMBËTARJA E FUTBOLLIT

Merkel njihet për faktin, dhe ka marrë shumë merita, si një nga kancelaret e para që i vlerëson dhe i përkrah sportet e kombit të saj. Ekipi e kishte shpallur si maskotën zyrtare për ekipin dhe e quajnë si motivimin e tyre, duke luajtur në nofkën e saj, duke e quajtur “Mutti”, që do të thotë nënë. “Vizita e kancelares gjermane ekipit të kombëtares së futbollit gjatë Kupës Botërore tregon se sa me seriozitet i merr njerëzit dhe kombin”, thotë Manfred Güllner nga “Forsa Institute”.





Lajmet e fundit nga