Skandali/ Basha urdhëron fshehjen e listave të anëtarësisë

15 Korrik 2017, 17:49, Aktualitet CNA

Kreu i vetëngrirë i Partisë Demokratike, Lulzim Basha, u fut në garën për kreun e ri të partisë menjëherë pas rezultatit katastrofik që pësoi në zgjedhjet e 25 qershorit. Teksa gara ndodhet në javën e saj të fundit dhe gjithçka duket të jetë false dhe e padrejtë, Lulzim Basha po përdor të gjitha mënyrat për të mbajtur edhe në katër vitet e ardhshme frenat e Partisë Demokratike.

Edhe pse i ndodhur vetëm përballë Eduard Selamit, i cili në fakt nuk shihet si një kundërshtar i tij në këtë garë, Basha është më i frikësuar se kurrë nga humbja e pushtetit. Ndonëse kanë kaluar rreth dy javë nga nisja e fushatës, Basha nuk ka bërë ende publike listën e anëtarëve të PD që do të votojnë më 22 korrik mes tij dhe Selamit.

Komisioni Elektoral i PD bëri sot të ditur se lista e anëtarësisë është e hapur për përdorim të brendshëm në gjithë degët dhe strukturat lokale të Partisë Demokratike, duke i cilësuar ato si të dhëna personale, që nuk mund të publkikohen.

Ky është skandali i radhës i kreut demokrat, i cili u fut në një garë false, pasi shkatërroi partinë, duke e çuar në minimumin jetik.

Minimalisht, listat e anëtarëve të PD Basha mund ti publikonte paraprakisht në ambientet e degëve ose aty ku do votoheshin.

Së pari, kjo tregon se Lulzim Basha, edhe pse me garë false ka frikë nga humbja.

Së dyti, Basha po e përdor këtë strategji për të manipuluar shifrat më 22 korrik, kur demokratët do të votojnë për kreun e katër viteve të ardhshme. Ai e bën këtë nisur nga takimet e dështuara të këtyre ditëve, ku në vend të mbështetjes, demokratët e shumë qyteteve janë ngritur në shenjë revolte kundër tij, duke bërë dhe peticione për anulimin e garës farse.

Kjo është një shenjë e qartë që tregon se edhe më 22 korrik pjesëmarrja e demokratëve në votim do të jetë shumë e vogël, teksa pjesa më e madhe e tyre e kanë kuptuar tashmë garën false që po zhvillohet. Duke i paraprirë rrezikut të humbjes së karriges, Basha ka urdhëruar fshehjen e listave të anëtarësisë.
Skandalit të listave i shtohen dhe përpjekjet e fshehta të Lulzim Bashës për të rritur fiktivisht numrin e pjesëmarrësve në votim.

E gjitha kjo nxjerr në pah skemën e qartë të manipulimin dhe falsifikimit të garës në Partinë Demokratike, me një qëllim të vetëm të Bashës, uzurpimin dhe shkatërrimin e mëtejshëm të PD./CityNews