E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Shënim/Nga kunati i Lulit te kunata e Fahriut

15 Korrik 2017, 17:07, Aktualitet CNA

Partia Demokratike ka disa simbolika të saj. Në zgjedhjet e fundit dhe pas rezultatit, akuza të forta u drejtuan ndaj Lulzim Bashës se e kishte kthyer partinë në stanin e kunatit të tij dhe familjarëve të tij, ku vendoste bashkëshortja dhe kunati, ku vendosnin paratë klienteliste për të ndërtuar lista korruptive.

Ky ishte njëri aspekt, kunati i Lulzim Bashës.

Ajo që mund të ishte ana tjetër e e fushatës së demokratëve dhe vetë Lulzim Bashës në këto zgjedhje ishte një kandidaturë që u bë totalisht thuajse qesharake. Ishte Klevis Balliu, djali i botuesit të Fahri Balliut, i cili kandidoi në Pogradec, ku rezultati ishte më katastrofiku i 27 viteve të historisë së Partisë Demokratike.

Klevisi dhe babai i tij njohu një humbje spektakolare. Por, ashtu siç akuzohet Lulzim Basha për kunatin e tij, shpesh është akuzuar dhe Fahri Balliu për kunatën e tij. E në rast se në herën e parë kemi kunatin, në herën e dytë kemi kunatën.

Ata që nuk e njohin ndoshta duhet të dinë paksa se kush është kunata e Fahriut, e cila gjatë kohës së Partisë Demokratike shkoi në disa ministri, drejtoi disa institucione, më përpara ka drejtuar ?Gazetën 55? dhe aktualisht është një nga drejtoreshat e rëndësishme të Ministrisë së Drejtësisë. Kunata e Fahriut nuk hiqej nga puna, sepse ishte aty ku ishte LSI. Edhe pse ministri i ri i Drejtësisë sulmoi shumë nga drejtorët e LSI, kunatën e Fahriut nuk guxonte ta prekte. E pra, fenomeni kunata apo kunati ka lidhje me zgjedhjet e fundit, ashtu siç kanë artikuluar shumë politikanë fenomene familjarësh, të cilat i dhanë jo pak pasoja Partisë Demokratike.

Një nga shkaqet e humbjes katastrofike të demokratëve në Qarkun e Korçës është kandidati i vendosur nga Lulzim Basha, djali i Fahriut dhe kunatës së tij. Një nga shkaktarët e humbjes është kunati i Lulzim Bashës, për ato gjithë akuza që i kanë regjistruar pa ndalim, ditë pas dite.

Që Partia Demokratike të ringrihet ndoshta duhet të ndalet një çast dhe të shohë, do të ecë përpara me një bashkim, me një platformë politike dhe ide të qarta, apo do të ngelet peng i kunetërve që shesin lista kandidatësh apo kunatave që mbajnë karriget në institucione. Dhe Lulzim Basha me sa duket ka zgjedhur këtë të fundit, të ngelet peng i kunetërve dhe kunatave, Fahrive dhe kujtdo që ka në krah, por në asnjë rast të shohë të vërtetën në sy dhe të reflektojë.

Mjafton që ai të mbajë vulën dhe logon e Partisë Demokratike, të cilat i zhduku nga imazhi elektoral i zgjedhjeve të qershorit 2017. Rëndësi për Lulin ka që t?i rrinë kunetërit e kunatat pranë, qoftë të Fahriut, të tijët apo të dikujt tjetër. Nuk ka rëndësi që t?i rrinë demokratët, mjaftojnë kunetërit apo kunatat, të kujtdo qofshin ata./CityNews