web counter
LEXO PA REKLAMA!

SHKARKO APP

App Store
Google Play

E fundit!

x

Rezultati negativ/Vjen reagimi urgjent nga PDIU, Idrizi publikon fletën e votimit

13 Korrik 2017, 14:54, Aktualitet CNA

Kreu i PDIU, Shpëtim Idrizi, ka reaguar për herë të parë për procesin e rinumërimit të votave që po ndodh në KQZ.

PDIU kërkoi rinumërim të votave në Tiranë, pasi humbi mandatin për 13 vota, me pretendimin se ato janë vjedhur. Ndërkohë, në kutitë e 31 dhe 32 PDIU doli me më shumë vota minus se më 25 qershor.

Menjëherë pas kësaj ka ardhur reagimi nga Idrizi, i cili publikon në rrjetet sociale një fletë votimi, që KQZ e quajti të pavlefshme, duke thënë se është për PDIU.

?Komisioni Qendror i Zgjedhjeve, sapo e quajti të pavlefshme këtë votë të hedhur për PDIU-në, kur vullneti i qytetarit që e ka hedhur duket më se i qartë. Shenja X ishte atje ku duhet dhe po ashtu ka pasur dhjetëra fletë ku ka pasur fjalë të shkruara sikurse është rasti i kësaj flete, që u konsideruan të vlefshme. Pak ditë pasi tjetërkush reagoi ndaj gurit me emrin Filat në sheshin Skënderbej, po shohim që emri i qytetit çam të Margëlliçit po shqetëson anëtarët e KQZ-së. Kujt i dhemb syri nga fjala Margëlliç të shkruajtur aty?!?, shkruan Idrizi./CityNews





Lajmet e fundit nga