E fundit!

16:03 Aktualitet

Garat formale në Policinë e Shtetit

Ditën e sotme është publikuar renditja me kandidatët që pr...

LSI opozitë e vërtetë, shaka apo duhet besuar

13 Korrik 2017, 11:26, Aktualitet CNA

Jo më larg se ditën e djeshme kryetarja e LSI, Monika Kryemadhi, gruaja e Ilir Metës, përcolli një paralajmërim burrëror. Ndërsa derdhi fjalorin e saj të rendë mbi kryeministrin Edi Rama, duke e etiketuar ?listën e zezë? të tij si ?fletë rrufetë e komunizmit? etj., Krymadhi-Meta, nëpërmjet një statusi, ndër të tjera, i adresoi thirrje opozitës kur artikuloi: ??të gjthë së bashku duhet ta ndalojmë këtë delirant që nuk njeh më kufizime?, duke u zotuar se LSI do të jetë një opozitë e fortë kundër pushtetit të Edi Ramës.

Deklarata e Kryemadhit nuk ishte e re. Ajo erdhi pasi në datën 29 qershor, pas zgjedhjes së saj kryetare e LSI, paraardhësi i saj, me emërim të përkohshëm nga familja Meta, Petrit Vasili, nëpërmjet një konference shtypi, së bashku me njoftimin e dorëheqjes dhe propozimin që Monika Kryemadhi të ishte në vijimësi drejtuese e LSI-së, e përcaktoi këtë si moment historik. Dhe e dini pse?

?Është moment historik për opozitë, pra për t?i dhënë, më në fund, Shqipërisë opozitë, sepse ky vend s?ka pasur në 4 vite opozitë..?, tha Vasili, ndërkohë që qënien e LSI-së opozitë e vërtetë e ka vendosur edhe Konventa e saj e mbledhur me këtë rast. Por e përmendi edhe Luan Rama, pas mbledhjes së Kryesisë së LSI të martën, krahas konstatimit se zgjedhjet e 25 qershorit ishin ?njollë turpi? dhe deklarimit se, në vijimësi të qënies forcë opozitare, LSI do të rreshtohet në anën e qytetarëve.

?Ne do të jemi në anën e qytetarëve me përkushtim, seriozitet dhe vendosmëri e nuk do të dorëzohemi kurrë?, tha Luan Rama, për të thenë një fjalë se, në fakt, LSI mund të bëj sikur luan lojën e opozitës, por nuk mund të jetë kurrë një opozitë e vërtetë. E aq më tepër një opozitë e fortë, siç kanë nisur të artikulojnë Vasili, Kryemadhi-Meta e Luan Rama etj.

Nuk mund të jetë opozitë siç duhet pasi LSI është nga të rrallat parti politike të botës demokratike që udhëhiqet nga një lidership tërësisht nepotik e me hije të forta përfshirjeje në jo pak afera korruptive.

LSI është ndër të rrallat parti që ka një strukturë militanteske të lidhur me paligjshmërinë e që nis që nga sigurimi i një vendi pune të blerë me para kesh e deri tek porosia për ta ushtruar detyrën zyrtare, duke përfituar dhe derdhur kontributin për partinë.

Mjafton të gërvishtësh pak në këtë pikë dhe gomat e kësaj force politike do të shfryhen menjëherë. Mjafton të investigosh pronat e familjes Meta-Kryemadhi, fatin e videove e të bllokut të Ilir Metës, mjafton të ndjekësh fatin e karrierës së Petrit Vasilit, dhe mirëqënien e Edmond Haxhinastos Edmond Panariti, të Nasip Naços etj., të ngjashmëve të tyre të qenë cop-cop e portofolholluar para krushqisë me këtë forcë politike, për ta groposur këtë parti, që si moto të saj ka patur dhe ka paranë e përfitimin dhe kurrë rreshtimin në anën e opozitës dhe të qytetarëve.

“Mjafton një gërvishtje nga organet e hetimit për t’ja shembur minierën Like Floririt”, qarkullon kjo frazë ndër ambientet publike, pasi tashmë të gjithë e dinë se LSI të thith menjëherë në gjirin e saj të florinjtë nëse je biri në shpirt i parasë dhe pranon të ulesh ndër gjunjtë e familjes që e posedon atë. Ndaj duke qenë e tillë të gjitha deklaratat e artikuluar nga lidershipi i saj për të qenë opozitë e ashpër kundër Edi Ramës, nuk janë veçse demagogji. Sepse që ta kryesh këtë rol më së paku duhet të kesh dinjitetin e lindur nga qënia i pastër. Një element ky që LSI-së i mungon tërësisht. /CityNews