web counter
LEXO PA REKLAMA!

SHKARKO APP

App Store
Google Play

Gjyqtarët e prokurorët po transferojnë paratë e paligjëshme jashtë vendit

13 Korrik 2017, 09:20, Aktualitet CNA

Disa gjyqtarë dhe prokurorë po tentojnë të nxjerrin jashtë Shqipërisë të ardhurat e pajustikuara, me qëllim për t?i shpëtuar kontrollit të Vettingut. Alarmin e jep ?Shqiptarja.com? nëpërmjet një shkrimi me burim Drejtorinë e Përgjithshme të Parandalimit të Pastrimit të Parave, strukturën e posaçme të Policisë së Shtetit dhe segmente të Shërbimeve Informativ Shtetëror, që sipas gazetës: po vëzhgojnë gjyqtarë dhe prokurorë të caktuar, të dyshuar si të përfshirë në praktika korruptive ndër vite, për të parandaluar çdo tentativë të mundshme, për fshehjen e parave të korrupsionit jashtë vendit. Gatishmëria e institucioneve në fjalë mësohet se ka ardhur pas sinjalizimeve për disa lëvizje të dyshimta të njerëzve të drejtësisë, të cilët po lëvizin çdo gurë në prapaskenë për shpëtuar paratë e paligjshme nga lupa e Vetingut dhe sekuestrimi, evidenton gazeta, duke shtuar: Informacionet kanë ardhur nga faktorë të brendshëm, por edhe nga shërbimet partnere të vendeve që janë investuar si asnjëherë më parë për shembjen e sistemit aktual të drejtësisë, përmes zbatimit të ligjit të Vetingut, duket larguar prokurorët dhe gjyqtarët e korruptuar.

Sipas burimeve, Drejtoria e Përgjithshme e Parandalimit të Pastrimit të Parave është fokusuar tek transaksionet bankare të subjekteve nën vëzhgim, ndërsa policia dhe shërbimet inteligjente, po vëzhgojnë lëvizjet e tyre në terren, për të parandaluar largimin e parave nga Shqipëria në rrugë jo bankare, pra me çanta, me anë të njerëzve të besuar. Në të njëjtën kohë, Inspektorati i Lartë i Deklarimit dhe Kontrollit të Pasurive ka nisur verikimin e ligjshmërisë së pasurive për njerëzit më të rëndësishëm të sistemit të drejtësisë, me të cilët do ta startojë procesi i Vetingut./ CityNews





Lajmet e fundit nga