E fundit!

21:44 Politikë

Kërkesat e protestuesve/ Klosi “ia pason” opozitës: Kanë krijuar vakuum politik, qytetarët nuk përfaqësohen

Sekretari i Përgjithshëm i Partisë Socialiste, Blendi Klos...

Foto-Edi Rama, kryeministri në minorancë/Ç’po ndodh me ministrat e tij?

13 Korrik 2017, 12:22, Aktualitet CNA

Rezultati përfundimtar i zgjedhjeve të 25 qershorit e konfirmoi Edi Ramën si kryeministër të Shqipërisë për 4 vitet e ardhshme.

Partia Socialiste arriti të merrte 74 mandate, duke pasur mundësinë për të krijuar qeverinë e vetme, ashtu siç kërkoi gjatë gjithë fushatës Edi Rama.

Përtej asaj që do të ndodhë në të ardhmen, situata tani nuk paraqitet e favorshme për kryeministrin.

Për herë të parë në historinë e politikës shqiptare, kreu i qeverisë është në fakt edhe kreu i opozitës shqiptare.

Si ta shpjegojmë këtë? Sot kabineti qeveritar i Ramës është i përbërë nga 20 ministra, ku vetëm 9 prej tyre janë ?ushtarët? e vërtetë të Edi Ramës, pasi pjesa më e madhe, rreth 11 ministra janë të deleguarit e opozitës.

CityNews sjell më poshtë foton që tregon ministrat në kabinetin qeveritar të Ramës, ku lehtësisht vihet re që:

6 ministra dhe një zëvendëskryeministre i ka Partia Demokratike pas marrëveshjes famëkeqe Rama-Basha( Zëvendës kryeministrja, Ministri i Brendshëm, Ministri i Shëndetësisë, Ministri i Drejtësisë, Ministrja e Financave, Ministrja e Arsimit dhe Ministrja e Mirëqenies Sociale dhe Rinisë).

Katër ministra i ka Lëvizja Socialiste për Integrim në bazë të koalicionit të 2013 (Ministri i Mjedisit, Ministri i Bujqësisë, Ministrja e Integrimit, Ministri i Transportit).

Pra sot në kabinetin qeveritar të drejtuar nga Edi Rama peshën më të madhe e ka opozita shqiptare e dalë nga 25 qershori, nisur kjo edhe nga fakti që ministrat e Ramës, jo vetëm që nuk kanë ministritë më të rëndësishme në vend, por ka edhe nga ata që janë pa portofol apo godina, dhe për këtë arësye e ushtrojnë aktivitetin zyrtar brenda kryeministrisë.

Edi Rama në nëntë ministri, ka vetëm, (Ministren e Mbrojtjes, Ministrin e Jashtëm, Ministren e Ekonomisë, Ministren e Zhvillimit Urban, Ministren e Kulturës, Ministren e Shtetit për Inovacionin dhe Administratën Publike, Ministrin e Energjisë, Ministren e Shtetit për Marrëdhëniet me Parlamentin dhe Ministren e Shtetit për Çështjet Vendore).

Jo vetëm kaq, Edi Rama edhe në Parlament ndodhet në minorancë. Deri në mbledhjen e Parlamentit të ri të dalë nga zgjedhjet e 25 qershorit, Edi Rama ka më pak se 60 deputetë.

Pra për herë të parë në politikën shqiptare rezulton që Edi Rama të jetë kryeministri i opozitës. Kjo ndryshe mund të quhet qeveria e pajtimit kombëtar, sepse është qeveria e konfirmuar nga vetë Rama-Basha-Meta.