web counter
LEXO PA REKLAMA!

SHKARKO APP

App Store
Google Play

Shkencëtarët japin alarmin/ Patatet e skuqura dyfishojnë rrezikun e vdekjes!

10 Korrik 2017, 20:56, Aktualitet CNA

Sipas një studimi të ri nëse ju konsumoni patate të skuqura më shumë se dy herë në ditë atëherë rreziku i vdekjes dyfishohet.

Njerëzit në Mbretërinë e Bashkuar konsumuan tre herë më shumë patate të skuqura në vitin 2014 sesa në vitin 1974 – duke përfshirë patate të skuqura të ngrira të blera në supermarket – sipas Anketës Kombëtare të Ushqimit të Qeverisë.

Por, ndonëse është e zakonshme që konsumimi i patateve të skuqura shumë shpesh mund të çojë në shtimin e peshës, kjo gjithashtu mund të ndikojë edhe në nivelin e vdekshmërisë, tregojnë studiuesit.

Studimi, i botuar në American Journal of Nutrition Clinical, zbuloi se gjatë një periudhe tetëvjeçare, njerëzit që rregullisht hëngrën patate të skuqura kishin dy herë më shumë gjasa të vdisnin. Hulumtuesit analizuan konsumin dhe shëndetin e 4,440 personave të moshës 45-79 vjeç që konsumonin patate.

Pas tetë vitesh, 236 prej pjesëmarrësve kishin vdekur. Ata gjetën se konsumimi i patateve- pa marrë parasysh metodën e gatimit – nuk e rriti rrezikun e vdekjes brenda asaj periudhe kohore,  por vetëm ata që konsumonin patate të skuqura dy deri tre herë në javë kishin dy herë më shumë gjasa të vdisnin krahasuar me ata që nuk i konsumonin ato.

Shkencëtarët thanë se mosha apo gjinia e pjesëmarrësve nuk ndikuan në rezultat, por theksuan se faktorë të tjerë, duke përfshirë obezitetin, mungesa e aktivitetit fizik dhe konsumimi i lartë i kripës, gjithashtu mund të kenë kontribuar në vdekjet e studiuara./CityNews





Lajmet e fundit nga