E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Frikë rrezatimi në Çernobil?/ Çfarë planesh kanë investitorët

10 Korrik 2017, 20:16, Aktualitet CNA

Aksidenti bërthamor që ndodhi në Çernobil më 26 prill 1986 nuk ishte vetëm një aksident i tmerrshëm, por ai ende kryeson listën si aksidenti më i keq bërthamor në botë, si në aspektin e kostos dhe të viktimave. Ky është një nga dy aksidentet bërthamore që kanë klasifikimin maksimal (niveli 7) në shkallën ndërkombëtare të ngjarjeve bërthamore, ndërsa tjetri është fatkeqësia bërthamore e Fukushima Daiichi në Japoni në 2011.

Një shpërthim i paqëllimtë brenda bërthamës së reaktorit shkaktoi që praktikisht i gjithë materiali i saj radioaktiv të shpërndahej në zonën përreth. Numri i të vdekurve arriti deri në 4,000, duke përfshirë edhe ata që kanë vdekur nga ekspozimi i rrezatimit në vitet që pas shpërthimit. Kostoja e aksidentit dhe pasojave të saj gjatë tre dekadave pasuese ka arritur deri në 18 miliardë rubla (rreth 300 milionë dollarë).

Ekziston ende një sasi e madhe e materialit radioaktiv në reaktor dhe në zonën e ndotur përreth. Në zonën prej 30 km nga vendi ku ndodhi shpërthimi bëhen ende prova sigurie. Për një kohë të gjatë, kjo zonë e pabanueshme nuk do të ishte më në gjendje të kryente ndonjë operacion apo të mbante ndonjë objekt të prodhimit të energjisë.

Megjithatë, zhvillimet e fundit kanë sjellë shumë pyetje nëse zona e braktisur mund të bëhet operacionale edhe një herë.Vendi i braktisur i ish uzinës së re bërthamore të Çernobilit është propozuar të transformohet në një park të energjisë diellore.

Pavarësisht ngjarjeve katastrofike që ndodhën atje, linjat e transmetimit për të transportuar energjinë elektrike të prodhuar nga katër gigawatts fuqi për familjet dhe fabrikat janë ende në vend. Në fakt, më shumë se 60 kompani kanë propozuar projekte të ndryshme në vendndodhjen e uzinës dhe zonës përreth saj. Ukraina thuhet se është në bisedime me biznesin më të madh të energjisë të Francës për të krijuar një park diellor në Çernobil, një ndërtim që do të kushtojë 1,25 miliardë dollarë.

Ministri i ekologjisë i Ukrainës, Ostap Semerak, i tha Washington Post: “Përvoja e Francës në projektet bërthamore është një nga arsyet që dëshirojmë të punojmë me ta. Ata na u afruan pasi njoftuam synimin tonë për të zhvilluar energjitë e rinovueshme në Çernobil “. “Ukraina ka një rrezatim të mirë diellor, por një nivel të ulët besimi nga investitorët”, shpjegoi Pietro Radoia, një analist diellor në Bloomberg New Energy Finance.

Ministri po udhëheq projektin, duke shpresuar që ta kthejë vendin e 1000 miljeve katror në një vend të prodhimit të energjisë diellore, mbi 30 vjet pasi u braktis.