Këshilla e shkencëtarëve/ Ja sa shpesh duhet t’i ndërroni mbulesat e dyshekëve

10 Korrik 2017, 20:08, Aktualitet CNA

Ne shpenzojmë më shumë se një të tretën e jetës sonë në shtrat – por ai mund të kthehet shumë shpejt në një park botanik plot e përplot me baktere dhe kërpudha, sipas profesor Tierno, profesor Klinik në Departamentin e Patologjisë dhe Mikrobiologjisë në Universitetin e New York-ut.

Bazuar në hulumtimet e bëra, Tierno argumenton se, nëse lihet për një kohë të gjatë, jeta mikroskopike brenda mbulesave të shtratit tonë mund të na shkaktojë sëmundje.

Ne prodhojmë deri në 25 gallona djersë në shtrat çdo vit dhe shkencëtarët e konsiderojnë atë si një medium ideal të kulturës kërpudhore. Ndotja nga kërpudhat që djersa prodhon mund të çojë në probleme serioze nëse nuk kontrollohet.

Një studim i kohëve të fundit zbuloi se mbulesa që kishte rreth 1 1/2 deri në 20 vite, përmbante deri në 16 lloje të ndryshme të specieve të kërpudhave. Rezultatet ishin të ngjashme kur u përdorën jastëkë me pendë për të provuar këtë hipotezë.

Jeta mikrobiale që rritet në mbulesat tuaja nuk është problemi i vetëm higjienik me mbulesat e papastra. Përveç kërpudhave dhe baktereve që vijnë nga djersa juajaty mbeten qelizat e lëkurës, dhe sekrecionet e ndryshme gjithashtu në mbulesat tuaja mbeten dhe mikrobet e kafsheve, poleni, mbeturinat e grimcave te pluhurit, fecet etj.

Mbulesa e papastër gjithashtu mund të shkaktojë teshtimë, meqenëse mikrobet janë aq afër gojës dhe hundës ju jeni të detyruar t’i thithni ato. Në pak fjalë, mbulesat e ndotura mund të shkaktojnë reaksione alergjike në mesin e një sërë problemesh të tjera shëndetësore. Pra, sa shpesh duhet të ndrojmë mbulesat tona për të shmangur këto probleme?

Për të shmangur këto probleme, Tierno këshillon larjen e mbulesave çdo javë. Alergjitë janë shkaku i 6-të kryesor i sëmundjes kronike në SHBA me një kosto vjetore më të madhe se 18 miliardë dollarë. Më shumë se 50 milionë amerikanë vuajnë nga alergjitë çdo vit – kjo është rreth një në çdo gjashtë amerikanë.

Përveç rritjes së rrezikut për ata me alergji, Tierno gjithashtu krahasoi mbulesat e pista që vinin në kontakt me mbetjet e kafshëve. “Nëse ju keni prekur një qen në rrugë, ju do të dëshironi të lani duart tuaja. Konsiderojeni këtë analoge me shtratin tuaj.?/CityNews