web counter
LEXO PA REKLAMA!

SHKARKO APP

App Store
Google Play

E fundit!

x

Rama “shporr” ministrat teknikë/ Ja kur do të firmosë për shkarkimin e tyre

9 Korrik 2017, 08:14, Aktualitet CNA

Kryeministri i vendit, Edi Rama bëri një pakt me Lulzim Bashën më 17 maj në mënyrë që ky i fundit të futej në zgjedhje. Pjesë e këtij pakti ishte edhe ndryshimi i disa ministrive dhe vendosja në krye të tyre e disa ministrave teknikë.

Por, edhe pse kanë kaluar më shumë se dy javë që nga zgjedhjet e 25 qershorit, disa prej ministrave teknikë vazhdojnë të jenë në detyrë, e disa të tjerë janë shkarkuar nga Rama.

Kreu i Partisë Socialiste është në pritje që ministrat teknikë të mbetur të japin dorëheqjen vetë, por nëse këta të fundit nuk e bëjnë këtë, Rama do të firmosë shkarkimin e tyre.

Gazeta Sot shkruan se plani i kryeministrit është që ministrat të largohen para 24 korrikut, në mënyrë që shkarkimi i tyre të dekretohet nga Presidenti aktual, Bujar Nishani. Kështu, Rama mendohet të thërrasë një seancë të jashtëzakonshme para betimit të Ilir Metës si President në mënyrë që të shkarkojë ministrat teknikë.

Por,  Edi Rama mund të ketë edhe një plan tjetër nëse nuk arrin të thërrasë seancën e jashtëzakonshme. Pritet që socialistët të kërkojnë ndryshimin e rendit të ditës në 24 korrik  dhe të shtojnë edhe shkarkimin e minsitrave të vendosur nga marrëveshja Rama-Basha, por edhe ministra të Lëvizjes Socialiste për Integrim./CityNews





Lajmet e fundit nga