E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

CityNews paralajmëroi dhunën e urdhëruar nga Lulzim Basha

9 Korrik 2017, 16:54, Aktualitet CNA

Një akt i rëndë kriminal ndodhi sot gjatë takimit të Lulzim Bashës me anëtarët e Partisë Demokratike, ku u godit me grusht ish-deputeti demokrat, Bedri Hoxha.

?Bandat? e urdhëruara nga Lulzim Basha ngritën publikisht dorë ndaj ish-deputetit Hoxha, i cili përfundoi në spital me disa plagë.

Lulzim Basha është përgjegjësi i vetëm i kësaj ngjarjeje, i cili i shpallur vetëm formalisht i ngrirë, vazhdon të ushtrojë normalisht detyrën e kreut të partisë dhe të kontrollojë ?banditët? e t?i nxisë ata në akte të shëmtuara përçarëse, duke çuar PD drejt shkatërrimit total.

CityNews e paralajmëroi rrezikun që mund të vinte nga kryetari i ngrirë, që një ditë pasi ai deklarua i tillë. Menjëherë pas këtij vendimi, ku në fakt duhet të jepte dorëheqjen për rezultatin katastrofik që pësoi në zgjedhje, Lulzim Basha nisi lëvizjet dhe takimet e ?fshehta? në zyrë e më gjerë.

CityNews raportoi për shkrirjen e kryetarit një ditë pasi ai kishte ngrirë dhe takimet që zhvilloi në zyrë. Lulzim Basha, i ngriri i PD, thirri në selinë blu ?të fortët? e vendit, futi në zyrë persona me precedentë penalë, njerëz me pikëpamje ekstremiste apo njerëz të botës së krimit.

Nuk dihet çfarë ka biseduar me këta njerëz, por rezultati duket qartë, ku vetëm pak ditë pas takimit në zyrë, ?banditët? tregojnë forcën, duke goditur padrejtësisht ish-deputetin, ngjarje për të cilën Basha vijon të heshtë.

Basha është dëgjuar aq shumë të akuzojë kryeministrin Edi Rama për lidhjet e tij me botën e krimit, por në fakt duket të mos jetë më pak i përlyer edhe vetë, ku jo vetëm që këta njerëz i thërret në zyrë, por i urdhëron paturpësisht të godasin dhe të krijojnë më shumë ndasi e përçarje brenda PD. Fushata vijon dhe nuk përjashtohet që ?bandat? e Bashës të godasin sërish. Tashmë, diçka është e sigurt: Luzim Basha do mbahet mend si njeriu që përçau e shkatërroi PD!/CityNews

Basha mbush zyrën me banditë