E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Shpërthen” shkrimtarja/Politikë e pistë! Kush po na udhëheq

9 Korrik 2017, 14:37, Aktualitet CNA

Shkrimtarja mjaft kritike ndaj qeverisë, Flutura Açka, ka shpërthyer me të tjera akuza ndaj politikës shqiptare.

Duke sjellë një rast konkret të një zonje shqiptare në moshë, e cila ndihmon shqiptarët të mos e braktisin atdheun, shkrimtarja shkruan në rrjetet sociale se vendi ynë ka fatin e pabukur, pasi udhëhiqet prej një shekulli nga qenie me shpirt të shëmtuar.

Më tej, Açka vijon po aq e ashpër, duke shtuar se politika e pistë e ka shpallur në heshtje Non grata, dhe se komunikimi publik i është bërë lodhje, por shkroi për shkak të kësaj gruaje shqiptare.

Ja reagimi i plotë:

Një zonjë shqiptare në moshë, një nënë e ndonjë fshati diku nëpër Shqipëri, i fton udhëtarët që zbresin shkallët e ndërrojnë peronët në stacionin e trenit Campo di Marte të Firences, që t’i ndihmojnë shqiptarët të mos e braktisin atdheun. Atdheun e tyre te bukur me fatin e pabukur të udhëhiqet një shekull nga qenie me shpirt të shemtuar. Për këtë thirrje është kujdesur një italian, mbase shumë italianë, që e dinë mbase se Shqipëria nuk meriton zbrazje.
Por ai italiani nuk e di se këtë grua e rrethinave shqiptare e ka harruar shteti i vet: ministri i rrugëve çoi rrugë afër saj vetëm kur bëri vilën afër saj, bashkiaku që nuk bën një pusetë ia shkel hardallin, spinaqin, lulekuqen e ca të gjelbëra që shpirti ia di si i mbledh, komuna nuk e ndihmon që të mos i kalben qepët, arrat e mollët sepse i ka tjetërkush monopolet e tyre, arsye pse fëmijët e saj mbase ende stacioneve të trenave të botës për të punuar arat dhe vreshtat e botës.
Këtë poster e ka vënë një italian që u bën italianëve thirrje për ndihmë. Unë shqiptarja udhëtare e këtij çasti aty, ndal hapat. Nuk kam fjalë, kam folur shpesh dhe tharët, aq sa politika e pistë më ka shpallur në heshtje Non grata për ta jetuar deri në fund lirinë time si shqiptare.
Kjo grua shqiptare më ftoi t’ju shkruaja, edhe pse komunikimi publik më është bërë lodhje. Muri i nga mund të vijë ‘ndryshimi shqiptar’ është bërë shumë i lartë…/CityNews