web counter
LEXO PA REKLAMA!

SHKARKO APP

App Store
Google Play

Dhuna ndaj ish-deputetit të PD/Flet për herë të parë policia: Si ndodhi ngjarja

9 Korrik 2017, 16:32, Aktualitet CNA

Policia ka reaguar zyrtarisht për incidentin e ndodhur gjatë takimit të Lulzim Bashës me anëtarët e Partisë Demokratike në Burrel, ku u godit me grusht ish-deputeti i PD, Bedri Hoxha.

Policia sqaron se ngjarja ka ndodhur sot, ku ka qenë vetë ish-deputeti Hoxha, që është paraqitur në komisariat dhe ka bërë kallëzim.

Më tej, thuhet në njoftim se Hoxha është goditur nga shtetasi D. Ç, i cili është shoqëruar në ambientet e policisë dhe ka nisur procedimi penal në gjendje të lirë ndaj tij.

Ja njoftimi i plotë:
Më datë 09.07.2017 është paraqitur në Komisariatin e Policisë Mat dhe ka bërë kallzim shtetasi B.H, 49 vjeç, banues në Klos, ku ka deklaruar se rreth orës 13.10, të ditës së sotme, para hyrjes së Pallatit të Kulturës Burrel, për motive të dobëta e ka goditur me grusht shtetasi D.Ç, duke i shkaktuar plagë të lehta.
Menjëherë shërbimet e Policisë të Komisariatit të Policisë Mat kanë bërë shoqërimin e shtetasit D.Ç, në ambientet e Policisë.
Në përfundim të veprimeve të para të kryera nga Specialistët për Hetimin e Krimit në Komisariatin e Policisë Mat, filloi procedimi penal në gjendje të lirë për shtetasin:
D.Ç, 59 vjeç, banues në Burrel, për veprën penale “Dëmtime të tjera me dashje??, parashikuar nga neni 90 i Kodit Penal.
Materialet hetimore do t’i kalojnë Prokurorisë së Rrethit Gjyqësor Mat për veprime të mëtejshme./CityNews





Lajmet e fundit nga