web counter
LEXO PA REKLAMA!

SHKARKO APP

App Store
Google Play

E fundit!

x

Plas sherri në takimin e Bashës/Goditet me grusht ish-deputeti i PD (Emri)

9 Korrik 2017, 15:29, Aktualitet CNA

Prej disa ditësh, dy kandidatët në garën false për kreun e Partisë Demokratike, Eduard Selami dhe Lulzim Basha, kanë nisur fushatën në mbarë vendin.

Lulzim Basha po zhvillon një farsë në vend të garës së vërtetë dhe për këtë ai u kritikua ashpër dhe u braktis nga një pjesë e madhe e mbështetësve dhe figurave kryesore në PD.

Kjo garë e pazakontë e Lulzim Bashës, menjëherë pas humbjes katastrofike që pësoi PD në zgjedhjet e 25 qershorit, rrezikon shkatërrimin total të kësaj force politike. Për faj të vetë Bashës, PD është zhytur në një rrugë pa kthim, ku baza dhe strukturat e saj duken më të përçara se kurrë. Kjo dëshmohet qartë dhe nga incidenti i ndodhur sot në takimin e Bashës në Burrel.

Burime i thanë CityNews se ish-deputeti i PD, Bedri Hoxha, është goditur nga një kushëri i Dhurata Çupit, e cila është deputete e zgjedhur në Qarkun e Dibrës.

CityNews mësoi se ngjarja ka ndodhur vetëm pak më parë, rreth orës 13:00, ku ka qenë një afërm i Çupit, ish-drejtoreshë e Lulzim Bashës, tashmë deputete e zgjedhur, e cila ka goditur ish-deputetin Hoxha. Ky i fundit është dërguar në spital për t?u mjekuar, pas plagëve të marra.

Ndërkohë, në vendngjarje ka mbërritur dhe policia, e cila deri tani nuk ka dhënë asnjë njoftim mbi konfliktin.

Burime nga vendi i ngjarjes i thanë CityNews se incidenti është pranuar edhe nga vetë Lulzim Basha, i cili në fakt qëndron pas të gjitha konflikteve dhe përplasjeve në PD dhe është shkaktari i gjendjes ku ndodhet sot partia e dytë më e madhe në vend./CityNews





Lajmet e fundit nga