web counter
LEXO PA REKLAMA!

SHKARKO APP

App Store
Google Play

Fitorja e parë e grupit kundër Bashës/Pse Kryesia rrëzoi Lulin

4 Korrik 2017, 11:02, Aktualitet CNA

Dje në mbrëmje, Kryesia e Partisë Demokratike, pas një debati të fortë midis dy emrave, nxori një rezultat dhe zyrtarisht kemi në garë dy kandidatë për kryetarin e PD, Lulzim Bashën dhe Eduard Selamin.

Votimi dha shifrat 14 kundër, 11 pro dhe 20 abstenim, duke përjashtuar nga gara Astrit Patozin dhe duke i siguruar Lulzim Bashës qëndrimin në postin e kryetarit të PD.

Në fakt, ky rezultat është një fitore për grupin e rebelëve, të cilët kanë kërkuar zbatimin e statutit, më shumë kohë për zhvillimin e garës në PD, si dhe garantimin e plotë të një analize dhe votimi pa manipulim.

Duke lexuar rezultatin kupton se Lulzim Basha i ka pozitat shumë delikate në Kryesi. Në mbi 60 anëtarë kryesie, vetëm 14 janë pro tij. Në rast se do të bashkonim të abstenuarit me votën pro, më shumë se gjysma e Kryesisë është kundër asaj që po bën sot Basha, së bashku me disa servilë dhe jesmenë të tij, që fatkeqësisht po e përçajnë shumë fort Partinë Demokratike.

Zërat kundër dje kanë qenë mjaft të qartë. Ashtu si në deklaratat e mëparshme, ata kanë shkuar në mbledhje me një qëndrim të konsoliduar, i cili më pas me diferencë të vogël votash është hedhur poshtë. Por, ajo që bie në sy është numri i madh i abstenuesve, i cili tregon se shumica e Kryesisë së PD është ende e paqartë dhe e pavendosur. Pra, minimalisht grupi i kritikëve një kërkesë e ka të fituar, atë për kohën dhe analizën e rezultatit. Kur 20 anëtarë kryesie abstenojnë dhe janë të paqartë për hapat e mëtejshëm, çfarë mund të presësh nga një anëtar i thjeshtë i strukturës, i një grup seksioni apo një anëtar i degës?

Në rast se mbështetësit e Bashës do ta lexojnë votimin e djeshëm në Kryesi si një fitore, kjo do të ishte katastrofa e tyre politike, sepse ajo është humbja e tyre për vetë faktin se abstenuesit janë më tepër se sa ata kundër, që në fakt për vetëm 3 vota dje thelluan më tej përçarjen, shkeljen e statutit dhe çdo rregulli të PD./CityNews





Lajmet e fundit nga