E fundit!

09:13 Kronika

Vodhën milionat për pensionet dhe ndihmat sociale/ Në pranga 3 zyrtaret e Postës Shqiptare

Një rast skandaloz dhe kriminal është regjistruar në Durrë...

Kokëdhima “shpërthen” kundër Ramës/ Stop importit të plehrave!

4 Korrik 2017, 07:45, Aktualitet CNA

Kryetari i partisë Zgjidhja, Koço Kokëdhima ka bërë publik qëndrimin e tij në lidhje me importin e plehrave në Shqipëri dhe deklaratat që bëri kryeministri i vendit Edi Rama në televizionin francez ?France24? për këtë temë.

Përmes një postimi në rrjetet sociale, Kokëdhima ka akzuar Ramën se ky i fundit ka nxitim të madh që t?i hapë rrugë importit të plehrave pa pyetur askënd.

Më tej, ai shton se kreu socialist duhet të kishte marrë mësime nga e kaluara e afërt, kur miliona shqiptarë kundërshtuan armët kimike.

Kokëdhima shprehet se Rama ka interes të groposë helmet e huaja në tokën tonë, por sipas tij Zgjidhja do të luftojë përkrah shqiptarëve për ta anuluar një herë e përgjithmonë këtë projekt.

Reagimi i plotë:

?Stop importit të plehrave!

Pa bërë ende betimin para Kuvendit, pa mbajtur ende fjalimin e politikave publike që do të zhvillojë gjatë mandatit të dytë, dhe pa shpallur ende qeverine e re, kryeministri Rama, ka nxitim në formë makthi, si t?i hapë rrugë importit të plehrave. Me kokën e tij, pa pyetur njeri, me një përbuzje të pashoq për opinionin publik vendas, ai ia rezervoi një stacioni të huaj televiziv, vendimin më delikat që mund të merret në Shqipëri në lidhje me importin e plehrave. Zgjidhja denoncon orvatjet e kryeministrit për ta justifikuar importin e mbetjeve me legjislacionin europian. Komisioni Europian është shprehur se Shqipëria nuk e ka infrastrukturën e nevojshme për monitorimin, kontrollin dhe raportimin e mbetjeve të importuara. Rama ende nuk ka marrë rezultatin e hetimit mbi mijëra tonelatat e plehrave të rrezikshme që kanë hyrë nga Durrësi për gjoja tranzit në Maqedoni dhe që s’kanë dalë kurrë nga territori shqiptar. Atij s’i interesojnë këto hetime, po ku të groposë helmet e huaja në tokën tonë. Edi Rama s’paska marrë mësime nga e kaluara e afërt. Ai e kishte edhe shumicën me “1 milion” vota me 2013 dhe vrapoi t’u bënte peshqesh shqiptarëve armët kimike siriane. Pastaj edhe të kërkonte të kalonte në parlament ligjin për importin e mbetjeve me pretekstin se po falimentonte industria ricikluese. ZGJIDHJA do të luftojë përkrah shqiptarëve me çdo mjet që ky projekt ogurzi të bllokohet dhe anulohet njëherë e përgjithmonë!?/CityNews