E fundit!

09:13 Kronika

Vodhën milionat për pensionet dhe ndihmat sociale/ Në pranga 3 zyrtaret e Postës Shqiptare

Një rast skandaloz dhe kriminal është regjistruar në Durrë...

Si i shiti Lulzim Basha zgjedhjet parlamentare në Selenicë!

4 Korrik 2017, 08:03, Aktualitet CNA

Republika e Re e Lulzim Bashës pësoi një humbje katastrofike në zgjedhjet parlamentare të 25 qershorit. Partia Demokratike, kurrë më parë që nga themelimi i saj, nuk e kishte njohur këtë rezultat dramatik, ku doli pothuajse e përgjysmuar në krahasim me zgjedhjet e 2013.

Shkaqet kryesore të këtij rezultati ishin çorganizimi i vazhdueshëm, futja e përçarjes në strukturat e demokrateve, nxitja e konflikteve të brendshme dhe në fund qershoria mbi tortë ishte lista e kandidatëve për deputetë, një listë personale e Lulzim Bashës dhe familjarëve të tij, e cila ngjalli mjaft reagime dhe pakënaqësi brenda selisë blu, por edhe te qytetarët.

Përtej kësaj, një akuzë shumë e rëndë është hedhur ndaj Lulzim Bashës, si përgjegjësi kryesor i humbjes katastrofike të PD.

Dyshime të forta janë ngritur mbi shitjen e zgjedhjeve të 25 qershorit nga kreu demokrat, Lulzim Basha. Rasti më i qartë shfaqet në Bashkinë Selenicë.

Nga një përllogaritje e thjeshtë shifrash rezulton se vetëm dy vite më parë, në zgjedhjet për kryetar bashkie të 2015, Partia Demokratike korri një fitore të thellë, duke marrë mbi 53% të votave.

Në vitin 2015, në zgjedhjet për kryebashkiak, PD mori në Selenicë 6096 vota, ose 53.81%.

Krejt e kundërta ndodh në zgjedhjet parlamentare të 25 qershorit, ku dy vite më pas, Partia Demokratike merr një rezultat qesharak, duke mos siguruar dot as gjysmën e votave të 2013.

Më 25 qershor, PD mori në zgjedhjet parlamentare 2630 vota, ose 24.44 %, pra më pak se gjysmën e rezultatit të 213.

Skandali më i madh ndodh në Njësinë Administrative Sevaster, ku për herë të parë në 27 vjet shënohet humbja e parë për të djathtën, e cila siguroi 351 vota, ndërsa Partia Socialiste 504 vota.

Kjo nuk ishte humbja e parë dhe e vetme e Partisë Demokratike në këto zgjedhje, pas ajo pësoi një rezultat katastrofik në të gjitha bashkitë. Ndaj dhe me të drejtë demokratët e ndershëm ngrenë pyetjen: Kush i shiti votat tona?/CityNews