E fundit!

16:05 Politikë

Rama për protestat: Në bulevard edhe turistë të shtirur, lëpijnë e pickojnë tubuesit e sinqertë

Kryeministri Edi Rama ka reaguar sërish lidhur me protesta...

Paralajmërimi i dy zyrtarëve të lartë të PD/Malltezi e Olli: Hapa ligjorë për të bllokuar ndërtimet

3 Korrik 2017, 15:35, Aktualitet CNA

Pavarësisht përplasjeve dhe rezistencës së qytetarëve, duket se lulishtes së ish parkut të autobuzëve po i vjen fundi.

Mediat e paralajmëruan se Veliaj i kishte kërkuar kompanisë së ndërtimit që të frenonte punimet deri në datën 25 Qershor për shmangur mërinë e qytetarëve të Tiranës në kutitë e votimit dhe më pas ishte e lirë të procedonte.

Dhe kështu ndodhi, punimet filluan vetëm pak ditë më pas.

Vetëm dy ditë më parë, e gjithë zona u rrethua me një gardh dhe banorët e kishin të pamundur të depërtonin. Gjatë ditës zyrtarë të PD-së, drejtori i departamentit të Mjedisit Jamarbër Malltezi dhe kryetar i grupit të këshilltarëve demokratë Leonard Olli janë rreshtuar në krah të qytetarëve dhe kanë kërkuar ndalimin e kësaj masakre mjedisore.

?Është zona me ajrin më të ndotur në Tiranë. Cila është përgjigja e qeverisë së sotme? Prishi edhe të vetmin park që bashkia e shkuar kishte ndërtuar në zonë. Por ky park nuk është parku i vetëm, apo lulishtja e vetme që Edi Rama po i prish Tiranës. Janë të paktën 12 parqe dhe lulishte që kjo bashki i ka prishur Tiranës nën drejtimin e Edi Ramës dhe më pas nën drejtimin e Edi Ramës si kryeministër?- ka deklaruar Malltezi i cili shtoi se ?Në rast se ne nuk reagojmë të gjithë parqet kthehen në pallate?.

Ndërkohë kryetari i grupit të këshilltarëve demokratë Leondard Olli tha se kjo është një kronikë e një masakre urbane të paralajmëruar.

Ai shtoi më tej se PD do të ndërmarrë hapa ligjorë për të parandaluar këto maskra të paralajmëruara: ?Është një denoncim i përhershëm dhe do të vijojë të denoncohet me forcë nga Partia Demokratike e cila do të ndjekë të gjithë hapat ligjorë, duke filluar që nga pjesa e drejtësisë dhe referendumeve vendore, sikundër e tha z.Malltezi, për të shpëtuar edhe atë pak gjelbërim që ka mbetur në kryeqytet?- deklaroi Olli?