web counter
LEXO PA REKLAMA!

SHKARKO APP

App Store
Google Play

E fundit!

x

“Perlat” e djalit të Fahri Balliut s’kanë fund/Bën me deputet Pogradecin

3 Korrik 2017, 11:49, Aktualitet CNA

Deputeti i ri i Partisë Demokratike, Klevis Balliu, ka vijuar gafat e tij edhe pas marrjes së postit të ri, ku në shtator pritet të ulet dhe në karrigen e Parlamentit.

Klevis Balliu u fut në listë nga Lulzim Basha dhe ishte kandidatura më e përfolur, jo vetëm për karrierën e tij të munguar në politikë, por edhe për gafat e njëpasnjëshme që bëri gjatë fushatës elektorale, për të cilat u bë dhe i ?famshëm?.

Djali i botuesit të ?Gazeta 55?, Fahri Balliu, do të përfaqësojë progradecarët në sesionin e ardhshëm parlamentar.

?Perlat? e djalit të Faros në fushatën elektorale kanë qenë me të vërtetë mbresëlënëse, që nga dielli demokratik që do lindë pas hyrjes së tij në Kuvend dhe deri te sulmi ndaj kryebashkiakut të Pogradecit, që nuk e dinte se ishte përfaqësues i PD.

Të gjitha këto bënë që të humbiste dhe në fshatin e babait të tij Slabinjë. Por ?perlat? e djalit të Fariut vijojnë dhe pas konfirmimit so deputet.

Për ?Shekulli? Klevis Balliu i jep përgjigje kritikave që erdhën në adresë të tij, por dhe ndaj kreut demokrat Lulzim Basha pas humbjes së zgjedhjeve të 25 qershorit. Sulmet personale, thotë se nuk e impresionojnë, pasi beson se është një prej përfaqësuesve të denjë të të rinjve në Shqipëri.

?Fillimisht dua të them se jam krenar që jam djali i Fahri Balliut, pasi babai im në jetën e tij nuk ka bërë asgjë tjetër, veçse ka punuar duke dhënë kontributin e tij për shoqërinë nëpërmjet pasqyrimit të së vërtetës në Gazetën ?55??, thotë jo pa krenari djali i Fariut.

Ndërsa për kritikët e Bashës, të cilët e akuzojnë për shkelje të statutit ai shprehet i bindur se nuk është cenuar statuti në asnjë pikë. ?Basha i hapi rrugën një gare legjitime.

Nëse dikush mendon që mund të jetë një kryetar më frytdhënës le të paraqitet në garë dhe të konkurrojë si i barabartë me zotin Basha?, nënvizoi Balliu.

Njëherësh flet dhe për përfaqësimin në Kuvend, duke deklaruar se deri më tani Pogradeci nuk ka pasur përfaqësim dinjitoz.

?Mbi të gjitha do të pasqyroj problematikat e Pogradecit e të Mokrës dhe do kërkoj që qeveria të bëjë atë çka vërtet duhet bërë për të rritur ekonominë dhe për të hapur vende të reja pune për qytetarët që unë do të përfaqësoj, pasi prej një kohe të gjatë Pogradeci vuan mungesën e një përfaqësimi dinjitoz në Parlament?, thotë jo pa krenari djali i Fariut./CityNews





Lajmet e fundit nga