web counter
LEXO PA REKLAMA!

SHKARKO APP

App Store
Google Play

E fundit!

x

Moti i nxehtë "djeg" Shqipërinë/Ja sa variojnë temperaturat sot

3 Korrik 2017, 08:35, Aktualitet CNA

Emergjencat Civile kanë dhënë sot detaje mbi situatën e krijuar nga moti i nxhetë i ditëve të fundit dhe zjarreve që përfshinë një pjesë të vendit.

Gjatë 24 orëve të fundit, mbi vendin tonë ka mbizotëruar mot i nxehtë me kthjellime dhe vranësira në pjesën qendrore. E vetmja vatër zjarri e konstatuar ishte në Çorovodë, ku pati dëme në një pyll me pisha, e konkretisht:

Në fshatin Bogovë ra zjarr në një sipërfaqe me shkurre dhe pisha. Shërbimi vendor i MZSH Skrapar shkoi në vendngjarje dhe punoi me mjete rrethanore për shuarjen e zjarrit për shkak të terrenit të thyer malor. Në ndihmë për shuarjen e zjarrit shkuan dhe banorë të zonës. Si pasojë e zjarrit u dogj një sipërfaqe rreth 0.3 ha me shkurre dhe pisha.

Nga qarqet e vendit nuk raportohen probleme për shkak të kushteve të motit. Emergjencat Civile ftojnë qytetarët që nëse konstatojnë zjarre të njoftojnë menjëherë në numrat e emergjencave 112, 129, apo 0694110198, pasi ndërhyrja në kohë shmang pasojat e rënda.

Gjatë ditës së sotme temperaturat do të zbresin, duke ulur mundësitë e përhapjes së vatrave të zjarrit:

? në vendet malore: temperaturat minimale 14°C, ndërsa ato maksimale do të ngjiten deri në 25°C.
? në vendet e ulëta: temperaturat minimale 17°C, ndërsa ato maksimale do të ngjiten deri në 30°C.
? në bregdet: temperaturat minimale 19°C, ndërsa ato maksimale do të ngjiten deri në 29°C.





Lajmet e fundit nga