E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Kastriot Myftaraj përgjigjet "dhëmbë për dhëmbë"/ Manjan o shkolla e Vishinskit, edhe përgjigjesh, edhe thua se nuk merresh me argumentet e mi

3 Korrik 2017, 13:10, Aktualitet CNA

Ylli Manjani ka reaguar me nje status në profilin e vet në Facebook, pas kritikës që unë i bëra për idetë që ka shprehur se përse nuk mund të zhvlerësohet zgjedhja e Metës si President, nëse ai nuk arrin të kryejë betimin para Kuvendit.

Manjani thotë se ka lexuar disa komente që e citonin atë për këtë çështje dhe se po reagon duke mos dashur të komentojë mbi komentet.
Nëse do të ishte fjala për komente në statusin e tij, që nuk është rasti, Manjani do të ishte përgjigjur atje drejtpërdrejt. Ai nuk e ka bërë këtë sepse nuk ka pasur asnjë koment të tillë.
Fakti është se ky reagim i Manjanit i datës 30 qershor erdhi shumë shpejt pas statusit tim të asaj dite ku polemizoja me të.
Fakti është se i vetmi reagim ndaj statusit të Manjanit, deri në atë moment ishte imi. Merret vesh, Manjani më përgjigjet mua, ndonëse pa më cituar dhe madje pa ma përmendur emrin.
Por Manjani nuk ka përgjigje për argumentet e mi, ai thjesht ripërsërit argumentet e veta dhe në fund thotë se të tjerat janë teori boshe, pa vlerë e pa kuptim dhe se nuk merret me komentet personale të militantëve që nuk kanë lidhje me Kushtetutë e ligje.
Manjani si jurist i përket shkollës juridike sovjetike të Vishinskit, fryma e së cilës sundonte në shkollën juridike shqiptare deri në 1991 zyrtarisht e më vonë sundonte për inerci. Vishinski kishte famën e polemistit të madh në jurisprudencën sovjetike sepse kishte shpikur atë lloj polemike sipas së cilës palës tjetër i kthehej përgjigje thjesht duke ripërsëritur argumentin tënd dhe duke e etiketuar në mënyrë fyese dhe përçmuese palën tjetër.
Thelbi i argumentit tim është se Kushtetuta e Shqipërisë sanksionon për Presidentin e Republikës kompetenca dhe kufizime. Kompetencat janë ato që njihen dhe kufizimet gjithashtu janë ato që njihen. Më i rëndësishmi, Presidenti është i depolittizuar, nuk kryen veprimtari politike. E drejta për ushtrimin e kompetencave nis kur bëhet betimi. Kufizimet nisin me zgjedhjen e Presidentit. Kjo edhe për faktin sepse Presidenti i zgjedhur e fiton statusin e tij në momentin e zgjedhjes, pra merr një zyrë, krijon stafin, merr eskortë, të gjitha këto nga shteti.
Rëndësia që i jep Manjani momentit të zgjedhjes së Presidentit, vetëm sa e ve më tepër në pah faktin se janë shkelur rëndë kufizimet presidenciale.
Meta, i këshilluar keq, i ka shkelur kufizimet presidenciale. Kjo mund të bëhet shkak i arsyeshëm që deputetët ta bojkotojnë seancën e betimit, e cila nuk mund të çelet pa qenë të pranishëm 71 deputetë së paku.
Ligjvënësi kushtetues, ndryshe nga rasti i zgjedhjes, ka parashikuar vetëm një seancë të vetme për betimin e Presidentit dhe nëse betimi nuk kryhet në 24 korrik, zgjedhja quhet e pavlefshme. Këtu nuk ka vend për interpretime të Gjykatës Kushtetuese, sepse kjo gjykatë mund ta interpretojë Kushtetutën, por jo të rishkruajë sipas fantazisë së vet dispozitat e formuluara qartë të saj./Kastriot Myftaraj