web counter
LEXO PA REKLAMA!

SHKARKO APP

App Store
Google Play

E fundit!

x

Basha dhe Kunati, dy brejtës pronash si kërcënim për sipërmarrjen dhe politikën

3 Korrik 2017, 12:01, Aktualitet CNA

Nga Kushtrim Kentrusha

Kreu demokrat Lulzim Basha ka deklaruar se ?Lulishtja? pranë parkut të autobuzave, një investim i tij për qytetarët kur ai ishte kryetar i bashkisë Tiranë, po prishet nga kryebashkiaku i ri për ndërtimin e një kompleksi privat.

Bashës në fakt, iu kundërpërgjigj kompania e ndërtimit të kompleksit, subjekti ?Arlis Sh.p.k? që ka thënë se leja për pronën e tyre private u firmos nga Basha dhe për më tepër ?në 2013, Bashkia e asaj kohe na dërgoi Kunatin për t?i ?falur? një pjesë të konsiderueshme të ndërtimit.

?Ne e refuzuam këtë pasi ishte një ?gjobë? për të lejuar dicka që vete Plani 2013 e lejonte. Kur ne refuzuam gjobën e Kunatit, z. Basha bëri një teatër duke e quajtur ?lulishte? pronën tonë private si hakmarrje që nuk i falem gjysmën e biznesit.?, shkruante subjekti në reagimin e tij në Facebook.
Kjo akuzë ndaj Bashës, nuk është thjesht shembulli lebetitës i një sistemi gjobash që ka ushqyer individët me pushtet.

Gjoba si taraf, është kërcënim për politikën, demokracinë dhe qytetarët, sepse nuk bëhet fjalë për vetëm një politikan periferik, por për atë që është sot kreu i opozitës kryesore, ndoshta nesër kryeministri i vendit.

Si do të ndërtojë alternativën opozitare një lider që punët e bashkisë ia qeveris kunati? Si do të qeverisë Shqipërinë nesër një njeri i paprinciptë në raportin mes pushtetit dhe biznesit? Një njeri që ndërsa ne mendonim se flinte gjumë në zyrën e tij, në fakt, duke përdorur pushtetin, ka brejtur cdo marrëdhënie me sipërmarrësit për interesa klienteliste.

Sfida jonë e madhe është kurimi i sistemit politik nga plagët e korrupsionit dhe gjobaxhinjtë e politikës janë qelbëzim i kësaj plage. E bëjnë politikën të varur nga tarafet dhe paraja që gjenerohet prej tyre.

Së dyti, kunati i Bashës dhe gjoba si praktikë, janë po aq kërcënuese edhe për klimën e biznesit, sipërmarrjes, pronës. Cfarë mesazhi i japim atyre që duan të ndërtojnë dhe investojnë në prona materiale, në këtë vend?

Që Shqipëria është xhungla e interesave të kunetërve të pushtetarëve? Që nuk kanë shanse të ngrejnë investime nëse nuk paguajnë gjobën te bashkia? Që i ndërsejmë edhe militantë, me protesta të orkestruara, nëse nuk na nënshtrohen? Që partneriteti mes vendimarrësve dhe sipërmarrësve, në emër të zhvillimit ekonomik, përmes politikave serioze dhe bashkëpunimit është një koncept i huaj për ne?

Vec shantazhit të firmës në fjalë, kjo është trysni direkte mbi sipërmarrësit e ndërtuesit në Shqipëri, i vë emrin dhe vulën Shqipërisë si vendi ku nuk bën dot investim nëse nuk ushqen kapadaitë e politikës, nëse nuk i përgjigjesh kunetërve të tyre.

Në këto dy pika, ka vetëm një përfundim: nuk nxihet vetëm fytyra e Bashës, baltoset imazhi ynë, trysnohen investitorët, demoralizohet sipërmarrja, ngrihet në këmbë ?sistemi i kunetërve?./tema





Lajmet e fundit nga