E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Nga Mentor Kikia/Berisha rast unikal në botë, pse nuk u ka asnjë faj shqiptarëve

26 Maj 2017, 15:17, Aktualitet CNA

Të martën në studion e News 24, në emisionin e Eni Vasilit, ishte i ftuar ish kryeministri Sali Berisha. Unë me kolegun Robert Rakipllari, ishim në krah të moderatores për të bërë pyetje.

Që nga momenti kur isha në studio e më pas kam marrë kritika për ?durimin që po tregoja duke qëndruar përballë Berishës?. Sesi si ndenja urtë dhe nuk ia ?përshesha? surratin, se përse nuk i çorra maskën, pse nuk i bërtita, pse e lashë të gënjejë etj etj. Këto radhë, në fakt, nuk janë një repikë me lexuesit apo miqtë e mi në rrjetet sociale, por një sqarim i nevojshëm, mendoj.

Unë jam gazetar dhe atje isha jo për të ?rrahur? Sali Berishën, as për të mos e lejuar të flasë. Unë isha për ti bërë pyetje dhe mendoj se isha plotësisht brenda parimeve gazetareske dhe shumë objektiv e kritik. Shumë njerëz mund të kenë të drejtë të revoltohen nga përgjigjet e Berishës, pasi edhe unë nuk bie dakord me shumicën prej tyre. Por mosaprovimin tim nuk mund ta shprehja duke u çjerrë apo duke ulëritur në studio, pasi mendoj se ?çjerrja? është mënyra më e shëmtuar e të bërit debat televiziv.

Sa për Z.Berisha, mendoj se ai është një rast unikal në botë. Në vitin 1997, ne i vumë flakën Shqipërisë për të rrëzuar atë dhe pushtetin e tij. U vramë e u premë, grabitëm e shkatërruam çfarë na doli përpara. Në çdo vend të botës, udhëheqësit, pas një kryengritjeje të tillë, më e pakta që bëjnë është të largohen nga vendi. Berisha nuk iku. Por e dini çfarë bëmë ne shqiptarët? Tetë vjet më vonë, në 2005, e risollëm në pushtet këtë njeri, me votë plotësisht të lirë dhe demokratike, në një proces zgjedhor të pakontestuar.

Në asnjë vend të Botës nuk mund të gjesh një rast të dytë. Nuk mund të gjesh kurrë një popull që konsumon një kryengritje të armatosur e të përgjakshme për të rrëzuar presidentin, dhe më pas e rikthen atë në pushtet me votë të lirë. Unë besoj se këtu nuk është aspak faji i Berishës. I imi jo që jo!/CityNews