web counter
LEXO PA REKLAMA!

SHKARKO APP

App Store
Google Play

E fundit!

x

A mund të quhet kjo polici e depolitizuar?

21 Maj 2017, 17:45, Aktualitet CNA

Në vazhdën e lëvizjeve në Policinë e Shtetit, pas një artikulli mbi refuzimin e vizës nga ambasada britanike për drejtorin e Institucionit të Policisë Shkencore, drejtues Dritan Zoto, ky i fundit u shkarkua në një lëvizje rokadë me drejtues Xhevahir Çeloaliaj, i cili ishte shef sektori në këtë institucion prej mëse një viti. Në pamje të parë këtu s?ka asgjë të keqe, por problem qëndron tjetërkund, nëse shohim mënyrën e katapultimit të zotit Çeloaliaj në këtë institucion. Zoti Çeloaliaj është larguar nga Policia e Shtetit në vitin 2007, pas një odiseje shkarkimesh nga ish-ministri social në atë kohë.

Që prej asaj kohe u mor me aktivitet privat, ndërsa me afrimin e zgjedhjeve të 2013 u ingranua në politikë dhe u zgjodh kryetar i PS për Vlorën. Kuptohet mori pjesë active në fushatën elektorale, ku demonstroi militantizëm të theksuar. Për këto merita u emërua me detyrën e Drejtorit të Portit të vlorës, nga ku u shkarkua shumë shpejt për shkak të aferave skandaloze me tragetet e linjave italiane. Por, çudia nuk mbaron me kaq, sepse partia kishte detyrime ndaj këtij njeriu që dhuroi jo pak deputetë në Vlorë. Ndaj në vitin 2014 u emërua shef sektori në Institutin e Policisë Shkencore, një sector që nuk ekzistonte, që nuk kishte asnjë vartës, por thjesht sepse duhej justifikuar shkelja e rëndë për marrjen në mënyrë të drejtpërdrejtë të gardës DREJTUES.

Gjatë kësaj kohe ai u shqua për rol aktiv në blerjen dhe prokurimet publike për këtë Institut, megjithëse detyra e tij është thjesht kontrolli i cilësisë së ekspertimeve, për të cilat kemi shkruar dhe do shkruajmë në ditët në vazhdim. Tashmë ky njeri drejton të vetmin Institut shkencor që kryen të gjitha llojet e ekspertimeve, për policinë, prokurorinë dhe gjykatat shqiptare të gjithë niveleve. A mund të kemi besim te këta drejtues???/CityNews





Lajmet e fundit nga