web counter
LEXO PA REKLAMA!

SHKARKO APP

App Store
Google Play

Italianët kapin 21 kuintalë marijuanë/Arrestohen dy vlonjatë

20 Maj 2017, 17:50, Aktualitet CNA

Narkotrafikantët shqiptarë nuk kanë të ndalur përsa i përket ?eksportit? të drogës drejt Italisë. Pas kapjes të premten të 22 kuintalëve marijuanë shqiptare, financierët italinë në 2 operacione të ndryshme kapën 31 kuintalë të tjerë droge.  Financierët italianë pasi morën informacione të sakta nga kolegët e tyre të stacionuar në Shqipëri, organizuan dy operacione antidrogë me pjesëmarrje të disa mjeteve patrulluese detare, dy helikopterëve dhe disa veturave e furgonave në bregdetin afër Barit.

Në operacioni e parë në ujërat përballë Barit u kap një gomone 9 metra e gjatë me 2 motorë të fuqishëm të ngarkuar me 1708 Kg. marijuanë të ambalazhuara në 79 koli. Dy skafistët vlonjatë u dorëzuan pa bërë asnjë rezistencë.

Në operacionin e dytë përballë qytezës së Villanova di Ostuni u kap një gomone 8 metra e gjatë me 2 motorrë të fuqishëm e ngarkuar me 1 413 Kg. marijuanë të ambalazhuara në 77 koli, e të mbuluara me mushama. U arrestuan pa asnjë rezistencë edhe dy skafistët vlonjatë të  gomones së dytë. Për më shumë mund të konsultohet linku:

http://ëëë.ostunilive.it/neës/cronaca/481818/oltre-tre-tonnellate-di-marijuana-sequestrate-dai-finanzieri-nelle-acque-di-bari-e-villanova

Specialistët antidrogë të Rojes së Financës vërejnë me shqetësim se kanabisi i kapur në dy gomonet ishte edhe prodhim nga të korrat e mbara të vitit 2016, por edhe prodhim i ri i vitit 2017 i një lloj kanabisi të manipuluar gjenetikisht për të pasur cikël të shkurtër vegjetativ. Në bregdetin puljez nga Santa Maria di Leucca deri në zonën rrëzë Malit Gargano në det e në plazhe vetëm 10 ditët e fundit janë kapur mbi 8 ton drogë dhe sekuestruar 4 gomone e motorskafë si edhe 9 automjete. Për këto 8 tonë drogë janë arrestuar 9 skafistë, shoferë, shoqërues malli etj./GJERGJ THANASI





Lajmet e fundit nga